മദീന: മദീനയിലെ മസ്ജിദുന്നബവിക്ക് സമീപത്തായി പുതിയ സിബിഎസ്ഇ സ്‌കൂള്‍ ആരംഭിക്കുന്നു. 'അല്‍നായിഹ് വല്‍ തഫാവുഖ് ഫോര്‍ എജ്യുക്കേഷന്‍ കമ്പനി' എന്ന സൗദി സ്വകാര്യ ഗ്രൂപ്പിന് കീഴിലാണ് 2026-27 അക്കാദമിക വര്‍ഷം മുതല്‍ സ്‌കൂള്‍ പ്രവര്‍ത്തനസജ്ജമാകുക.

ഇന്ത്യന്‍ സിബിഎസ്ഇ സിലബസിനൊപ്പം സൗദി കരിക്കുലവും സംയോജിപ്പിച്ചാണ് പഠനം ക്രമീകരിച്ചിരിക്കുന്നത്. ഇതിന് പുറമെ വിദ്യാര്‍ത്ഥികള്‍ക്ക് ഖുര്‍ആന്‍ മനഃപാഠമാക്കുന്നതിനും ഇസ്ലാമിക പഠനങ്ങള്‍ക്കും പ്രത്യേക സൗകര്യമുണ്ടാകും. സ്‌കൂള്‍ കെട്ടിടത്തിന്റെ നിര്‍മ്മാണം അവസാന ഘട്ടത്തിലാണ്. ജീവനക്കാരുടെ നിയമനവും മറ്റ് അനുമതികളും സംബന്ധിച്ച കൂടുതല്‍ വിവരങ്ങള്‍ വരും ദിവസങ്ങളില്‍ പുറത്തുവിടുമെന്ന് അധികൃതര്‍ അറിയിച്ചു.