റിയാദ്: സൗദി അറേബ്യയുടെ ഭൂരിഭാഗം പ്രദേശങ്ങളിലും ഞായറാഴ്ച വരെ വ്യത്യസ്ത തീവ്രതയിലുള്ള ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്ന് ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു. കാലാവസ്ഥാ വ്യതിയാനത്തെത്തുടര്ന്ന് പൊതുജനങ്ങള് ജാഗ്രത പാലിക്കണമെന്ന് അധികൃതര് നിര്ദ്ദേശിച്ചു.
മഴയ്ക്കൊപ്പം തന്നെ മണിക്കൂറില് 60 കിലോമീറ്ററിലധികം വേഗതയില് വീശിയേക്കാവുന്ന ശക്തമായ കാറ്റിനും സാധ്യതയുണ്ട്. ഇത് മണല്ക്കാറ്റിനും കാഴ്ചപരിധി കുറയുന്നതിനും കാരണമായേക്കാം. ചിലയിടങ്ങളില് ആലിപ്പഴ വര്ഷത്തിനും പെട്ടെന്നുള്ള വെള്ളപ്പൊക്കത്തിനും സാധ്യതയുണ്ടെന്ന് മുന്നറിയിപ്പില് പറയുന്നു. തീരപ്രദേശങ്ങളില് തിരമാലകള് ഉയരാന് സാധ്യതയുള്ളതിനാല് ജാഗ്രത പാലിക്കണം.
തബൂക്ക് മേഖല: തബൂക്ക് നഗരം, നിയോം, തൈമ, ഹഖ്ല്, അല് വജ്, ഉംലജ്, അല് ബദഅ്, ദുബ, അല് ജൗഫ്, വടക്കന് അതിര്ത്തികള്: സകാക, ദുമത്ത് അല് ജന്ദല്, അറാര്, റഫ്ഹ, അല് ഉവൈഖില, ഹാഇല്, അല് ഗസാല, അല് ഷംലി, ബഖാഅ്, ബുറൈദ, ഉനൈസ, അല് റാസ്, അല് മിത്നബ്, അല് അസ്യ, മദീന മുനവ്വറ, യാമ്പു, ഖൈബര്, ബദര്, അല് മഹ്ദ് എന്നിവിടങ്ങളില് ഇടവിട്ട രീതിയില് മിതമായതോ ശക്തമായതോ ആയ മഴ ലഭിക്കാന് സാധ്യതയുണ്ട്:
കാലാവസ്ഥാ കേന്ദ്രത്തിന്റെ നിര്ദ്ദേശങ്ങള് കൃത്യമായി പാലിക്കണമെന്നും മഴയുള്ള സമയങ്ങളില് താഴ്ന്ന പ്രദേശങ്ങളില് നിന്നും വാദികളില് നിന്നും വിട്ടുനില്ക്കണമെന്നും സിവില് ഡിഫന്സ് വിഭാഗം അറിയിച്ചു.
.jpg)
Related News
