അല്-ഉല: ഔദ്യോഗിക സൗദി സന്ദര്ശനത്തിന്റെ ഭാഗമായി ബ്രിട്ടനിലെ വില്യം രാജകുമാരന് ചൊവ്വാഴ്ച അല്-ഉലയില് എത്തിച്ചേര്ന്നു. അല്-ഉല അന്താരാഷ്ട്ര വിമാനത്താവളത്തില് എത്തിയ അദ്ദേഹത്തെ മദീന ഗവര്ണര് സല്മാന് ബിന് സുല്ത്താന് ബിന് അബ്ദുല് അസീസ് രാജകുമാരന് നേരിട്ടെത്തി സ്വീകരിച്ചതായി സൗദി പ്രസ് ഏജന്സി റിപ്പോര്ട്ട് ചെയ്തു.
പ്രാദേശിക പോലീസ് മേധാവി മേജര് ജനറല് യൂസഫ് ബിന് അബ്ദുല്ല അല്-സഹ്റാനി, റോയല് പ്രോട്ടോക്കോള് ഓഫീസ് ഡയറക്ടര് ഇബ്രാഹിം ബിന് അബ്ദുല്ല ബറി എന്നിവരടങ്ങുന്ന ഉന്നത ഉദ്യോഗസ്ഥ സംഘവും രാജകുമാരനെ സ്വീകരിക്കാന് വിമാനത്താവളത്തില് എത്തിയിരുന്നു. അല്-ഉലയിലെ ചരിത്രപ്രധാനമായ സ്ഥലങ്ങള് സന്ദര്ശിക്കുന്നതിന്റെ ഭാഗമായാണ് അദ്ദേഹം ഇവിടെ എത്തിച്ചേര്ന്നത്.
നേരത്തെ റിയാദിലായിരുന്ന വില്യം രാജകുമാരന്, അവിടെ വനിതാ ഫുട്ബോള് താരങ്ങളുമായി കൂടിക്കാഴ്ച നടത്തുകയും അവര്ക്കൊപ്പം സമയം ചെലവഴിക്കുകയും ചെയ്തിരുന്നു. കൂടാതെ, ഒരു കഫേ സന്ദര്ശിച്ച അദ്ദേഹം അവിടെയുള്ള ഉപഭോക്താക്കളുമായി സംവദിക്കുകയും വീഡിയോ ഗെയിമുകളില് പങ്കുചേരുകയും ചെയ്തു. ദിരിയയും അദ്ദേഹം സന്ദര്ശിച്ചു.
.jpg)
Related News
