ദുബായ്: ഷാര്‍ജയില്‍ കാറിടിച്ച് രണ്ടു വയസുകാരനായ മലയാളി ബാലന്‍ മരിച്ചു. മലപ്പുറം ചട്ടിപ്പറമ്പ് നെല്ലോളി സ്വദേശി ഷറഫുദ്ദീന്‍- സഫ്ന ദമ്പതികളുടെ മകന്‍ അലന്‍ റൂമിയാണ് മരിച്ചത്. ഇന്നലെ വൈകുന്നേരം മാതാവിനൊപ്പം വീടിന് പുറത്തിറങ്ങിയ സമയത്താണ് അപകടമെന്ന് ബന്ധുക്കള്‍ പറഞ്ഞു. കഴിഞ്ഞമാസമാണ് കുടുംബം സന്ദര്‍ശകവിസയില്‍ യു.എ.ഇയിലെത്തിയത്. തലാല്‍ ഗ്രൂപ്പിലെ സെയില്‍സ് ജീവനക്കാരനാണ് പിതാവ് ഷറഫുദ്ദീന്‍. റൂമിയുടെ മൃതദേഹം ദുബായ് ഖിസൈസിലെ ഖബര്‍സ്ഥാനില്‍ ഖബറടക്കി.