ജിദ്ദ: തിരുഗേഹങ്ങളുടെ സേവകന് സല്മാന് ബിന് അബ്ദുല് അസീസ് രാജാവ് റിയാദില്നിന്നു ജിദ്ദയിലെത്തി. കിംഗ് അബ്ദുല് അസീസ് അന്താരാഷ്ട്ര വിമാനത്താവളത്തില് എത്തിയ രാജാവിനെ മക്ക ഡെപ്യൂട്ടി ഗവര്ണര് സൗദ് ബിന് മിശ്അല് ബിന് അബ്ദുല് അസീസ് രാജകുമാരന് നേരിട്ടെത്തി സ്വീകരിച്ചു.
രാജാവിനോടൊപ്പം പ്രമുഖ രാജകുടുംബാംഗങ്ങളും ഉന്നത ഉദ്യോഗസ്ഥരും ജിദ്ദയിലെത്തിയിട്ടുണ്ട്. ഖാലിദ് ബിന് ഫഹദ് രാജകുമാരന്, മന്സൂര് ബിന് സൗദ് രാജകുമാരന്, അല്-ബാഹ ഗവര്ണര് ഡോ. ഹുസാം ബിന് സൗദ് രാജകുമാരന് എന്നിവരടക്കമുള്ള വലിയൊരു സംഘമാണ് അദ്ദേഹത്തെ അനുഗമിക്കുന്നത്. കൂടാതെ റോയല് കോര്ട്ട് ചീഫ് ഫഹദ് ബിന് മുഹമ്മദ് അല്-ഈസ, റോയല് പ്രോട്ടോക്കോള് ചീഫ് ഖാലിദ് ബിന് സ്വാലിഹ് അല്-അബ്ബാദ് എന്നിവരുള്പ്പെടെയുള്ള ഔദ്യോഗിക പ്രതിനിധികളും സംഘത്തിലുണ്ട്.
നേരത്തെ റിയാദിലെ കിംഗ് ഖാലിദ് അന്താരാഷ്ട്ര വിമാനത്താവളത്തില്നിന്ന് പുറപ്പെട്ട രാജാവിന് റിയാദ് ഗവര്ണര് ഫൈസല് ബിന് ബന്ദര് രാജകുമാരന്റെ നേതൃത്വത്തില് യാത്രയയപ്പ് നല്കിയിരുന്നു.
Related News
