റിയാദ്: റമദാന് മാസത്തെ വരവേല്ക്കാന് വിപുലമായ ഒരുക്കങ്ങളുമായി പ്രമുഖ റീട്ടെയില് ശൃംഖലയായ നെസ്റ്റോ ഹൈപ്പര്മാര്ക്കറ്റ് രംഗത്ത്. വ്രതകാലത്ത് ഉപഭോക്താക്കള്ക്ക് ആശ്വാസമേകുന്ന വൈവിധ്യമാര്ന്ന ഓഫറുകളും സേവനങ്ങളുമാണ് ഇത്തവണ ഒരുക്കിയിരിക്കുന്നത്.
റമദാനിലെ നിത്യോപയോഗ സാധനങ്ങള് വിലക്കുറവില് ലഭ്യമാക്കുന്ന 'റമദാന് ഇനാം' എന്ന പ്രത്യേക പദ്ധതിയാണ് പ്രധാന ആകര്ഷണം. വ്രതകാലത്ത് ഓരോ ദിവസവും ആവശ്യമായ അവശ്യവസ്തുക്കള് ഏകദേശം 50 ശതമാനം വരെ വിലക്കുറവില് ലഭ്യമാക്കുമെന്ന് മാനേജ്മെന്റ് വാര്ത്താസമ്മേളനത്തില് അറിയിച്ചു.
ഫ്രഷ് ഫുഡ്സ്, സൂപ്പര്മാര്ക്കറ്റ് ഉല്പ്പന്നങ്ങള്, മാംസവിഭാഗം, ഇലക്ട്രോണിക് ഉപകരണങ്ങള് എന്നിവ റമദാന് ഇനാം പദ്ധതിയില് വന് വിലക്കുറവില് ലഭിക്കും. റമദാന് 1 മുതല് 30 വരെ നീളുന്ന ഈ പ്രമോഷന് വഴി ഉപഭോക്താക്കള്ക്ക് മികച്ച സേവനം ഉറപ്പാക്കുകയാണ് ലക്ഷ്യമെന്ന് മാനേജ്മെന്റ് പ്രതിനിധികള് അറിയിച്ചു.
മറ്റുള്ളവരെ സഹായിക്കുകയും സമ്മാനങ്ങള് നല്കുകയും ചെയ്യുന്ന റമദാനിന്റെ ആത്മാവിനെ മുന്നിര്ത്തി പ്രത്യേക റമദാന് ഗിഫ്റ്റ് കാര്ഡുകളും പുറത്തിറക്കി. 50 റിയാല് മുതല് 500 റിയാല് വരെ ലഭ്യമായ ഈ കാര്ഡുകള് ഉപയോഗിച്ച് സൗദി അറേബ്യയിലെ ഏത് നെസ്റ്റോ ശാഖയില് നിന്നും സാധനങ്ങള് വാങ്ങാവുന്നതാണ്. ഇതിന് പുറമെ ഇഫ്താര് കിറ്റുകളും പ്രത്യേക റമദാന് കോമ്പോകളും എല്ലാ സ്റ്റോറുകളിലും ലഭ്യമാണ്.
വാര്ത്താസമ്മേളനത്തില് ചീഫ് പ്രൊക്യൂര്മെന്റ് ഹെഡ് അബ്ദുല് നാസര്, ചീഫ് മാര്ക്കറ്റിങ് ഹെഡ് ഫഹദ് മിയോണ്, കാറ്റഗറി ഹെഡുമാരായ റിയാസ് കാവുങ്ങല്, രാജ്കുമാര് എന്നിവര് പങ്കെടുത്തു.
Related News
