റിയാദ്: കേളി കലാസാംസ്കാരിക വേദിയുടെ ജനകീയ ഇഫ്താര് മാര്ച്ച് 6ന് നടക്കും. റിയാദില് മലയാളി പ്രവാസി സംഘടനകളുടെ നേതൃത്വത്തില് നടക്കുന്ന ഏറ്റവും വലിയ ജനകീയ ഇഫ്ത്താറാണ് കേളി വര്ഷംതോറും നടത്തി വരുന്നത്. മലാസ് ലുലു ഹൈപ്പര് അരീനയിലാണ് ഇത്തവണയും സംഗമം നടക്കുന്നത്. ആയിരകണക്കിന് ആളുകള് പങ്കെടുക്കുന്ന ഇഫ്താര് കേളിയും കേളി കുടുംബവേദിയും സംയുക്തമായാണ് സംഘടിപ്പിക്കുന്നത്. ഇഫ്താര് വിജയത്തിനായി
വിപുലമായ സംഘാടക സമിതിക്ക് രൂപം നല്കി.
ബത്ത ലൂഹ ഓഡിറ്റോറിയത്തില് ചേര്ന്ന സംഘാടക സമിതി രൂപീകരണ യോഗം കേളി രക്ഷാധികാരി സെക്രട്ടറിയും ലോക കേരള സഭാ അംഗവുമായ കെപിഎം സാദിഖ് ഉദ്ഘാടനം ചെയ്തു. കേളി പ്രസിഡന്റ് ഗഫൂര് ആനമങ്ങാട് അധ്യക്ഷനായ പരിപാടിയില് രക്ഷാധികാരി സമിതി അംഗം സുരേഷ് കണ്ണപുരം സംഘാടക സമിതി പാനല് അവതരിപ്പിച്ചു.
സീബ കൂവോട് ചെയര് പേഴ്സണ് രാമകൃഷ്ണന് ധനുവച്ചപുരം, സുധീര് പോരേടം വൈസ് ചെയര്മാന്മാര്, ഷമീര് കുന്നുമ്മല് കണ്വീനര്, കിഷോര് ഇ നിസാം. തോമസ് ജോയ് ജോയിന്റ് കണ്വീനര്മാര്, ജോസഫ് ഷാജി സാമ്പത്തിക കണ്വീനര് മോഹന്ദാസ്, സലിം ആംലാദ്, ശ്രീഷ സുകേഷ് ജോയിന്റ് കണ്വിനര്മാര്, ഗതാഗതം നസീര് മുള്ളൂര്ക്കര, വിഭവ സമാഹരണം അനിരുദ്ധന് കീച്ചേരി, സ്റ്റേഷനറി ജവാദ് പരിയാട്ട്, പബ്ലിസിറ്റി സിജിന് കൂവള്ളുര്, പശ്ചാത്തല സജ്ജീകരണം ജാഫര് ഖാന്, ഭക്ഷണം സുനീര് ബാബു, ഭക്ഷണ പാക്കിംഗ് റഫിക്ക് ചാലിയം, വളണ്ടിയര് ക്യാപ്റ്റന് ഗഫൂര് ആനമങ്ങാട്, സ്റ്റോര് ഇന് ചാര്ജ് റഫിക്ക് പാലത്ത് എന്നിവര് കണ്വീനര്മാരായ 151 അംഗ സംഘാടക സമിതിക്ക് യോഗം രൂപം നല്കി. രക്ഷാധികാരി സമിതി അംഗങ്ങളായ സുരേന്ദ്രന് കൂട്ടായ്, പ്രഭാകരന് കണ്ടോന്താര്, സീബാ കൂവോട്, ജോസഫ് ഷാജി എന്നിവര് അഭിവാദ്യം അര്പ്പിച്ചു. ട്രഷറര് മധു ബാലുശ്ശേരി സ്വാഗതവും കണ്വീനര് ഷമീര് കുന്നുമ്മല് നന്ദിയും പറഞ്ഞു.
.jpg)
Related News
