ജിദ്ദ: കെ.എം.സി.സി. പൂക്കോട്ടൂര്‍ പഞ്ചായത്ത് കമ്മിറ്റിയുടെ റമളാന്‍ സ്‌പെഷ്യല്‍ തമര്‍ ചലഞ്ച് 2026ന്റെ വിതരണോദ്ഘാടനം മലപ്പുറം മണ്ഡലം മുസ്ലിം ലീഗ് ജനറല്‍ സെക്രട്ടറി പി.എ. സലാം പൂക്കോട്ടൂര്‍ പഞ്ചായത്ത് മുസ്ലിം ലീഗ് ജനറല്‍ സെക്രട്ടറി സി.ടി. നൗഷാദിന് നല്‍കി നിര്‍വ്വഹിച്ചു.

പൂക്കോട്ടൂര്‍ സ്പര്‍ശം പാലിയേറ്റിവ് കെയര്‍ സെന്ററില്‍ വെച്ച് നടന്ന ചടങ്ങില്‍ ജിദ്ദ മലപ്പുറം ജില്ലാ KMCഇ ഭാരവാഹികളായ ജാഫര്‍ അത്താണിക്കല്‍, സി.ടി. ശിഹാബ്, ജിദ്ദ മലപ്പുറം മണ്ഡലം KMCC മുന്‍ സെക്രട്ടറി അഷ്റഫ് പുല്ലാര, പൂക്കോട്ടൂര്‍ പഞ്ചായത്ത് MSF പ്രസിഡന്റ് ഇര്‍ഷാദ് കുരുണിയന്‍, എം.പി. അലവിക്കുട്ടി ചീനിക്കല്‍, അങ്ങിയില്‍ ഹംസ മുണ്ടിത്തൊടിക തുടങ്ങിയവര്‍ പങ്കെടുത്തു.

പൂക്കോട്ടൂര്‍ സ്പര്‍ശം പാലിയേറ്റിവ് കെയറിന് ഒരു കൈത്തങ്ങായി ജിദ്ദ കെ.എം.സി.സി. പൂക്കോട്ടൂര്‍ പഞ്ചായത്ത് കമ്മിറ്റി സംഘടിപ്പിച്ച ഈ സദുദ്യമത്തില്‍ പങ്കാളികളായ മുഴുവന്‍ സഹൃദയരോടും, വിതരണത്തിന് നേതൃത്വം നല്‍കിയ മുസ്ലിം ലീഗ്, യൂത്ത് ലീഗ്,msf, KMCC സഹപ്രവര്‍ത്തകരോടും കമ്മിറ്റി നന്ദി അറിയിച്ചു.