അല് ഖോബാര്: വേള്ഡ് മലയാളി കൗണ്സില് അല് ഖോബാര് പ്രൊവിന്സ് കിഡ്സ് ക്ലബ് ശിശുദിനം അല് ഖോബാര് ലുലുവിന്റെ സഹകരണത്തോടെ വിപുലമായി ആഘോഷിച്ചു. കിഡ്സ് ക്ലബ് ടീമിന്റെ വിവിധ കലാ പ്രകടനങ്ങള് ആസ്വാദക പ്രശംസ ഏറ്റുവാങ്ങി. കുട്ടികളുടെ വിവിധ കലാപരിപാടികളായ ഫാഷന് ഷോ , ടാലെന്റ് ഷോ , ഗ്രൂപ്പ് ഡാന്സ് , പാട്ടുകള് മറ്റു കലാ കായിക പ്രകടനങ്ങളുമായി ഇക്കഴിഞ്ഞ വെള്ളിയാഴ്ച ലുലു ഖോബാര് കുട്ടികളുടെ ഒരു ഉത്സവ രാവായി. വേള്ഡ് മലയാളി കൗണ്സില് അല് ഖോബാര് പ്രസിഡന്റ് ഷമീം കാട്ടാകട അധ്യക്ഷത വഹിച്ച ചടങ്ങില് ജനറല് സെക്രട്ടറി അഷ്റഫ് ആലുവ സ്വാഗതവും വനിതാ കൗണ്സില് പ്രസിഡന്റ് അനുപമ ദിലീപ് ആശംസകളും നേര്ന്നു. പ്രസ്തുത ചടങ്ങില് വേള്ഡ് മലയാളി കൗണ്സില് ഗ്ലോബല് സെക്രട്ടറി ജനറലും മുഖ്യ രക്ഷാധികാരിയുമായ മൂസ കോയ ശിശുദിന സന്ദേശം കുട്ടികള്ക്ക് കൈമാറി. ലുലു അല് ഖോബാര് ജനറല് മാനേജര് ശ്യാം ഗോപാല് കുട്ടികള്ക്കുള്ള സമ്മാനദാനം നിര്വഹിച്ചു.
വേള്ഡ് മലയാളി കൗണ്സില് അല് ഖോബാര് പ്രൊവിന്സ് വനിതാ കൗണ്സില് ചെയര്പേഴ്സണ് അര്ച്ചന അഭിഷേക് , മിഡില് ഈസ്റ്റ് വിമന്സ് കൗണ്സില് ട്രഷറര് രതിനാഗ എന്നിവര് നേതൃത്വം നല്കിയ കുട്ടികളുടെ വിവിധ കലാ കായിക പ്രകടനങ്ങള്ക്ക് വൈസ് ചെയര്മാന്മാരായ അബ്ദുല് സലാം, നവാസ് സലാഹുദീന് , ജോയിന്റ് സെക്രട്ടറി ദിലീപ് കുമാര്, ബിസിനസ്സ് ഫോറം വൈസ് ചെയര്മാന് ഉണ്ണികൃഷ്ണന്, ബിസിനസ്സ് ഫോറം ട്രഷറര് നിസ്സാം യൂസഫ് , ഗ്ലോബല് വനിത കൗണ്സില് ട്രഷറര് ജമീലാ ഗുലാം , അല് ഖോബാര് പ്രൊവിന്സ് വനിതാ കൗണ്സില് ട്രഷറര് ഷീജാ അജീം,വനിതാ കൗണ്സില് എക്സിക്യൂട്ടീവ് മെംബേര്സ് ആയ ഷെറി ഷമീം, സുജ റോയ്,ജെസ്സി നിസ്സാം, ഫമിതാ ജംഷീര്, സിന്ധിത പ്രശാന്ത്, നിസിയ നഹാസ് എന്നിവര് നേതൃത്വം നല്കി. അല് ഖോബാര് പ്രൊവിന്സ് പ്രോഗ്രാം കണ്വീനര് യാസര് അറഫാത്തും, വനിതാ കൗണ്സില് ചെയര്പേഴ്സണ് അര്ച്ചന അഭിഷേകും അവതാരകരായിരുന്ന ശിശുദിന ആഘോഷത്തിന് അല് ഖോബാര് പ്രൊവിന്സ് ട്രഷറര് അജീം ജാലാലുദീന് നന്ദി പറഞ്ഞു.
Related News
