ന്യൂഡല്ഹി: മുസ്ലിം യൂത്ത് ലീഗ് ദേശീയ കമ്മിറ്റിയുടെ 'ബുന്യാദ്' സംഘടനാ കാമ്പയിന്റെ ഭാഗമായി സംഘടിപ്പിക്കുന്ന 'ബസ്മേ റംസാന്' സൗഹൃദ ഇഫ്താര് സംഗമം ഡല്ഹിയില് നടന്നു. ഡല്ഹി സംസ്ഥാന കമ്മിറ്റിയുടെ നേതൃത്വത്തില് ഖാഇദേ മില്ലത് സെന്ററില് നടന്ന പരിപാടി യൂത്ത് ലീഗ് ദേശീയ ജനറല് സെക്രട്ടറി ടി.പി. അഷ്റഫലി ഉദ്ഘാടനം ചെയ്തു.
വിവിധ സാമൂഹിക മേഖലകളില് സജീവമായി ഇടപെടുന്ന യുവാക്കള്ക്ക് മുസ്ലിം യൂത്ത് ലീഗിന്റെ രാഷ്ട്രീയ നിലപാടുകള് പരിചയപ്പെടുത്തുന്നതിനായാണ് 'ബസ്മേ റംസാന്' സംഘടിപ്പിക്കുന്നത്. ജീവകാരുണ്യ, നിയമ, വിദ്യാഭ്യാസ മേഖലകളില് പ്രവര്ത്തിക്കുന്ന നിരവധി യുവ ആക്റ്റിവിസ്റ്റുകള് സംഗമത്തില് പങ്കെടുത്തു. യൂത്ത് ലീഗിന്റെ രാഷ്ട്രീയ പ്രവര്ത്തനങ്ങളില് പങ്കാളികളാകാനുള്ള സന്നദ്ധത അറിയിച്ചാണ് പ്രതിനിധികള് മടങ്ങിയത്.
യൂത്ത് ലീഗ് ഡല്ഹി സംസ്ഥാന പ്രസിഡന്റ് ശഹസാദ് അബ്ബാസി ചടങ്ങില് അധ്യക്ഷത വഹിച്ചു. ദേശീയ ഓര്ഗനൈസിങ് സെക്രട്ടറി അഡ്വ. ഷിബു മീരാന് മുഖ്യപ്രഭാഷണം നടത്തി. ഡല്ഹി സംസ്ഥാന ചുമതലയുള്ള ദേശീയ സെക്രട്ടറി സി.കെ. ശാക്കിര് കാമ്പയിന് പ്രവര്ത്തനങ്ങള് വിശദീകരിച്ചു.
റഹ്ബാര് ഫൗണ്ടേഷന് ചെയര്മാന് ഫസല് ഹഖ്, ജാമിയ ഹംദര്ദ് ഫാര്മസി ഡിപ്പാര്ട്ട്മെന്റ് തലവന് പ്രൊഫ. മുഹമ്മദ് ആക്കിര്, യൂത്ത് ലീഗ് ദേശീയ എക്സിക്യൂട്ടീവ് അംഗം അഡ്വ. മര്സൂഖ് ബാഫഖി, ഡല്ഹി കെ.എം.സി.സി ജനറല് സെക്രട്ടറി മുഹമ്മദ് ഹലിം, അജ്മല് മുഫീദ്, കമ്രാന് ഖാന് എന്നിവര് സംസാരിച്ചു. ജനറല് സെക്രട്ടറി ഡോ. അര്ഷദ് ജാവേദ് സ്വാഗതവും ട്രഷറര് അഡ്വ. ഉവൈസ് നന്ദിയും പറഞ്ഞു.
കാമ്പയിന്റെ ഭാഗമായുള്ള അടുത്ത സൗഹൃദ സംഗമങ്ങള് മാര്ച്ച് 10-ന് ഉത്തര്പ്രദേശിലെ കാണ്പൂരിലും ഗുജറാത്തിലെ അഹമ്മദാബാദിലും നടക്കും.
ഫോട്ടോ ക്യാപ്ഷന്:
യൂത്ത് ലീഗ് ദേശീയ കമ്മിറ്റിയുടെ 'ബുന്യാദ്' സംഘടനാ കാമ്പയിന്റെ ഭാഗമായി ഡല്ഹി ഖാഇദേ മില്ലത് സെന്ററില് നടന്ന 'ബസ്മേ റംസാന്' സംഗമം ദേശീയ ജനറല് സെക്രട്ടറി ടി.പി. അഷ്റഫലി ഉദ്ഘാടനം ചെയ്യുന്നു. അഡ്വ. ഷിബു മീരാന്, സി.കെ. ശാക്കിര്, ഷഹസാദ് അബ്ബാസി, ഡോ. അര്ഷദ് ജാവേദ് എന്നിവര് സമീപം.
Related News
