കൊച്ചി: നിര്മ്മാണ മേഖലയിലെ പരിമിതമായ ഇടങ്ങളിലും കാര്ഷിക ആവശ്യങ്ങള്ക്കും പരമാവധി പ്രവര്ത്തനക്ഷമത ഉറപ്പാക്കുന്ന പുതിയ '30Z' (30 ഇസഡ്) മിനി എക്സ്കവേറ്റര് ജെസിബി ഇന്ത്യ പുറത്തിറക്കി. നഗരപ്രദേശങ്ങളിലെ ഇടുങ്ങിയ സ്ഥലങ്ങളിലും ഡ്രൈനേജ് ജോലികള്, ലാന്ഡ്സ്കേപ്പിംഗ്, അറ്റകുറ്റപ്പണികള് തുടങ്ങിയവയ്ക്കും ഈ യന്ത്രം ഏറെ അനുയോജ്യമാണ്.
പ്രവര്ത്തനസമയത്ത് യന്ത്രത്തിന്റെ പിന്ഭാഗം പുറത്തേക്ക് നീണ്ടുനില്ക്കാത്തതിനാല് കുറഞ്ഞ സ്ഥലപരിധിയില് അതീവ സുരക്ഷിതമായി പ്രവര്ത്തിപ്പിക്കാം.
100 ശതമാനവും സ്റ്റീല് ബോഡിയില് നിര്മ്മിച്ചിരിക്കുന്നതിനാല് മികച്ച ഈടുനില്പ്പും ദീര്ഘായുസ്സും ഉറപ്പാക്കുന്നു. മണിക്കൂറില് ഏകദേശം രണ്ടര ലിറ്റര് ഡീസല് മാത്രം മതിയാകുന്ന ഉയര്ന്ന ഇന്ധനക്ഷമതയാണ് ഇതിന്റെ മറ്റൊരു പ്രത്യേകത. ഉയര്ന്ന പ്രകാശശേഷിയുള്ള എല്ഇഡി ഹെഡ്ലാമ്പുകള് ഉള്ളതിനാല് രാത്രികാലങ്ങളിലും വെളിച്ചം കുറഞ്ഞ സാഹചര്യങ്ങളിലും സുഗമമായി ജോലി ചെയ്യാം.
ഏകദേശം 30 ലക്ഷം രൂപ വിലവരുന്ന ഈ മിനി എക്സ്കവേറ്ററിന് നാല് വര്ഷത്തെ വാറണ്ടിയും കമ്പനി വാഗ്ദാനം ചെയ്യുന്നുണ്ട്. കൊച്ചി കേന്ദ്രമായി പ്രവര്ത്തിക്കുന്ന പോപ്പുലര് മോട്ടോഴ്സ് കോര്പ്പറേഷനാണ് കേരളത്തിലെ വിതരണക്കാര്.
കൊച്ചിയില് നടന്ന ചടങ്ങില് പോപ്പുലര് എം.ഡി തോമസ് സാജു സംസ്ഥാനതല വിപണനോദ്ഘാടനം നിര്വ്വഹിച്ചു. ജെസിബി ഇന്ത്യ ദേശീയ മേധാവി അരുണ് അവിനാശിലിംഗം, സി.ഇ.ഒ.എ സംസ്ഥാന സെക്രട്ടറി സമീര് ബാബു എന്നിവര് ചടങ്ങില് സംബന്ധിച്ചു.
.jpg)
Related News
