റിയാദ്: സൗദി അറേബ്യയുടെ ദേശീയ വിമാനക്കമ്പനിയായ സൗദിയ ദുബായിലേക്കുള്ള സര്വീസുകള് ശനിയാഴ്ച മുതല് ഭാഗികമായി പുനരാരംഭിച്ചു.
റിയാദ്, ജിദ്ദ എന്നിവിടങ്ങളില് നിന്ന് ദുബായിലേക്കും തിരിച്ചുമുള്ള സര്വീസുകളാണ് ആദ്യ ഘട്ടത്തില് ആരംഭിച്ചിരിക്കുന്നത്. നിലവിലെ സാഹചര്യത്തില് പരിമിതമായ ഷെഡ്യൂളുകള് മാത്രമായിരിക്കും ഉണ്ടാകുകയെന്നും വരും ദിവസങ്ങളില് കൂടുതല് സര്വീസുകള് പൂര്വ്വസ്ഥിതിയിലാക്കുമെന്നും സൗദിയ അറിയിച്ചു.
കഴിഞ്ഞ വാരന്ത്യത്തില് ഇറാന്-ഇസ്രായേല് സംഘര്ഷം ആരംഭിച്ചതിനെത്തുടര്ന്ന് സുരക്ഷാ മുന്കരുതലിന്റെ ഭാഗമായി സൗദിയ വിവിധ നഗരങ്ങളിലേക്കുള്ള വിമാനങ്ങള് റദ്ദാക്കിയിരുന്നു. ദുബായ് കൂടാതെ അമ്മാന്, കുവൈറ്റ്, അബുദാബി. ദോഹ, ബഹ്റൈന്, മോസ്കോ, പെഷവാര് എന്നിവിടങ്ങളിലേക്കുള്ള സര്വീസുകളും നിര്ത്തിവെച്ചിരുന്നു. മേഖലയിലെ വ്യോമപാതകളില് സുരക്ഷ ഉറപ്പാക്കുന്നതിനനുസരിച്ച് മറ്റ് നഗരങ്ങളിലേക്കും സര്വീസുകള് പുനരാരംഭിക്കുമെന്ന് സൗദിയ അറിയിച്ചു.
Related News
