വാഷിംഗ്ടണ്: ഇറാന് യുദ്ധമുഖത്ത് അമേരിക്കക്ക് തിരിച്ചടി. ഹോര്മുസ് കടലിടുക്കിലൂടെ എണ്ണക്കപ്പലുകള്ക്ക് സംരക്ഷണം നല്കാന് തങ്ങള് നിലവില് സജ്ജമല്ലെന്ന് യുഎസ് ഊര്ജ്ജ സെക്രട്ടറി ക്രിസ് റൈറ്റ് പരസ്യമായി സമ്മതിച്ചു. ഇറാനുമായുള്ള യുദ്ധം ആരംഭിച്ച സാഹചര്യത്തില് വാഷിംഗ്ടണ് പൂര്ണ്ണമായ തയാറെടുപ്പുകള് നടത്തിയിട്ടില്ല എന്നതിന്റെ മറ്റൊരു സൂചനയായാണ് ഇതിനെ വിലയിരുത്തുന്നത്.
ഇറാനിയന് സൈന്യത്തിന്റെ ആക്രമണ ശേഷി നശിപ്പിക്കുന്നതിലാണ് യുഎസ് നാവികസേന നിലവില് ശ്രദ്ധ കേന്ദ്രീകരിച്ചിരിക്കുന്നത്. അതിനാല് വാണിജ്യ കപ്പലുകള്ക്ക് വേണ്ടിയുള്ള 'എസ്കോര്ട്ട്' പ്രവര്ത്തനങ്ങള് ഇപ്പോള് സാധ്യമല്ല.
വരും ആഴ്ചകളില് അല്ലെങ്കില് ഈ മാസം അവസാനത്തോടെ കപ്പലുകള്ക്ക് സംരക്ഷണം നല്കാന് സാധിക്കുമെന്ന് ക്രിസ് റൈറ്റ് സിഎന്ബിസി അഭിമുഖത്തില് പ്രത്യാശ പ്രകടിപ്പിച്ചു.
ഇതുസംബന്ധിച്ച് പ്രതിരോധ വകുപ്പിലെ ഉന്നത ഉദ്യോഗസ്ഥരുമായി ചര്ച്ചകള് നടന്നു വരികയാണെന്നും ഊര്ജ്ജ സെക്രട്ടറി അറിയിച്ചു.
ലോകത്തിലെ എണ്ണ വ്യാപാരത്തിന്റെ അഞ്ചിലൊന്ന് നടക്കുന്ന തന്ത്രപ്രധാനമായ പാതയാണ് ഹോര്മുസ് കടലിടുക്ക്. കപ്പലുകള്ക്ക് സുരക്ഷ ഉറപ്പാക്കാന് അമേരിക്കയ്ക്ക് കഴിയാത്തത് ആഗോള വിപണിയില് എണ്ണവില കുതിച്ചുയരാന് കാരണമായേക്കുമെന്ന് സാമ്പത്തിക വിദഗ്ധര് മുന്നറിയിപ്പ് നല്കുന്നു. ഇറാന് തങ്ങളുടെ മിസൈലുകളും ഡ്രോണുകളും ഉപയോഗിച്ച് മേഖലയില് നിരന്തരമായ ഭീഷണി ഉയര്ത്തുന്നുമുണ്ട്.
Related News
