റിയാദ്: മലയാളികളുടെ പ്രിയ നടന് കുഞ്ചാക്കോ ബോബന് ചലച്ചിത്ര രംഗത്ത് 29 വര്ഷം പൂര്ത്തിയാക്കിയതിന്റെ ആഘോഷവുമായി ചാക്കോച്ചന് ലവേഴ്സ് ഫാമിലി (CLF) റിയാദ് ഘടകം. 'അനിയത്തിപ്രാവ്' എന്ന ചിത്രത്തിലൂടെ തൊണ്ണൂറുകളില് മലയാളികളുടെ, പ്രത്യേകിച്ച് യുവാക്കളുടെ ഹരമായി മാറിയ താരം ഇന്നും അഭിനയ മികവോടെ സിനിമയില് സജീവ സാന്നിധ്യമായി തുടരുന്നത് മുന്നിര്ത്തിയായിരുന്നു ആഘോഷം. റിയാദ് ഗ്രാന്ഡ് ഹൈപ്പര്മാര്ക്കറ്റുമായി സഹകരിച്ച് കേക്ക് മുറിച്ചാണ് ആരാധകര് ഈ സ്നേഹബന്ധം ആഘോഷിച്ചത്.
ഗ്രാന്ഡ് ഹൈപ്പര്മാര്ക്കറ്റില് നടന്ന ചടങ്ങില് സി.എല്.എഫ് പ്രസിഡന്റ് അലക്സ് കൊട്ടാരക്കര അധ്യക്ഷത വഹിച്ചു. സെക്രട്ടറി സജീര് ചിതറ സ്വാഗതവും, സെന്ട്രല് കോഓര്ഡിനേറ്റര് സിയാദ് വര്ക്കല ആമുഖ പ്രഭാഷണവും നടത്തി. ഗ്രാന്ഡ് ഹൈപ്പര്മാര്ക്കറ്റ് പ്രതിനിധി സുധീര് ചടങ്ങിന് ആശംസകള് നേര്ന്നു.
അരുണ് കൃഷ്ണ, ദിപു, വിനോദ് കൃഷ്ണ, അഷ്റഫ് വാഴക്കാട്, സ്വപ്ന വിനോദ്, ഷാജഹാന് പാണ്ട, അജീഷ, സജീര്, ആമി ജൂലി, എഫ്.എസ്.എം (എടങ) ടീം, പ്രണവ്, സാജിദ്, സുധി, സിനി, റഫീഖ്, ജംഹര് എന്നിവര് സംസാരിച്ചു. ട്രഷറര് നബീല് മുഹമ്മദ് നന്ദി രേഖപ്പെടുത്തി.
ആഘോഷത്തിന്റെ ഭാഗമായി സാജിദ് സദ്ദാക്കിന്റെ നേതൃത്വത്തില് കുഞ്ചാക്കോ ബോബന് ചിത്രങ്ങളിലെ ഗാനങ്ങള് ഉള്പ്പെടുത്തി ഗാനസന്ധ്യയും, സിനിമയെ ആസ്പദമാക്കി ക്വിസ് മത്സരവും സംഘടിപ്പിച്ചു.
Related News
