കൊച്ചി: പുതുതായി ഉദ്ഘാടനം ചെയ്ത പ്രധാനമന്ത്രിയുടെ ഓഫീസ് മന്ദിരമായ 'സേവാ തീര്ത്ഥില്' എല്ജി ഇലക്ട്രോണിക്സിന്റെ അത്യാധുനിക ഹീറ്റിംഗ്, വെന്റിലേഷന്, എയര് കണ്ടീഷനിംഗ് (HVAC) സൊല്യൂഷനുകള് സജ്ജീകരിച്ചു.
113 ഔട്ട്ഡോര് യൂണിറ്റുകള് ഉള്പ്പെടുന്ന, 1,590 ഹോഴ്സ് പവര് ശേഷിയുള്ള വേരിയബിള് റഫ്രിജറന്റ് ഫ്ലോ എയര് കണ്ടീഷനിംഗ് സിസ്റ്റമാണ് ഇവിടെ സ്ഥാപിച്ചിരിക്കുന്നത്. കമ്പനിയുടെ പൂനെ നിര്മ്മാണ കേന്ദ്രത്തില് നിന്നാണ് ഈ സംവിധാനം വിതരണം ചെയ്തത്.
ഇന്ത്യന് കാലാവസ്ഥയ്ക്ക് അനുയോജ്യമായ രീതിയില് പ്രത്യേകം രൂപകല്പ്പന ചെയ്ത ഈ വി.ആര്.എഫ് സംവിധാനം, 39 ഡിഗ്രി സെല്ഷ്യസ് താപനിലയില് പോലും പൂര്ണ്ണ ശേഷിയില് പ്രവര്ത്തിക്കാന് പ്രാപ്തമാണ്. ആഭ്യന്തര ഉല്പന്ന പരിശോധനാ മാനദണ്ഡങ്ങള് പാലിച്ചു നിര്മ്മിച്ചതിനാല് ഏത് കഠിനമായ കാലാവസ്ഥയിലും മികച്ച പ്രകടനം ഇത് ഉറപ്പാക്കുന്നു. കൂടാതെ, 'എസി സ്മാര്ട്ട് 5 ഇന്റലിജന്റ് കണ്ട്രോള് പ്ലാറ്റ്ഫോം' ഉള്പ്പെടുത്തിയതിലൂടെ തത്സമയ നിരീക്ഷണവും കേന്ദ്രീകൃത നിയന്ത്രണവും സാധ്യമാകും.
പ്രധാനമന്ത്രിയുടെ ഓഫീസ് മന്ദിരമായ സേവാ തീര്ത്ഥിന്റെ ഭാഗമാകാന് കഴിഞ്ഞതില് അഭിമാനമുണ്ടെന്ന് എല്ജി ഇലക്ട്രോണിക്സ് മാനേജിംഗ് ഡയറക്ടറും ചീഫ് സെയില്സ് ആന്ഡ് മാര്ക്കറ്റിംഗ് ഓഫീസറുമായ ഹോങ് ജു ജിയോണ് പറഞ്ഞു.
Related News
