കൊച്ചി: പ്രമുഖ സ്മാര്‍ട്ട്‌ഫോണ്‍ നിര്‍മ്മാതാക്കളായ ഒപ്പോ, തങ്ങളുടെ ഏറ്റവും പുതിയ മോഡലുകളായ ഒപ്പോ എഫ്33 പ്രോ 5ജി (OPPO F33 Pro 5G), എഫ്33 5ജി (F33 5G) എന്നിവയുള്‍പ്പെടുന്ന എഫ്33 സീരീസ് ഇന്ത്യയില്‍ അവതരിപ്പിച്ചു.

ഈ വിഭാഗത്തിലെ ഏറ്റവും മികച്ച 50എംപി അള്‍ട്രാ-വൈഡ് സെല്‍ഫി ക്യാമറ, പൊടിയെയും വെള്ളത്തെയും പ്രതിരോധിക്കുന്ന IP69K റേറ്റിംഗ്, കരുത്തുറ്റ 7000mAh ബാറ്ററി, കളര്‍ ഒഎസ് 16 (ColorOS 16), 5G++ കണക്റ്റിവിറ്റി എന്നിവയാണ് ഈ സീരീസിന്റെ പ്രധാന ആകര്‍ഷണങ്ങള്‍.

എഐ ഗ്രൂപ്പ് സെല്‍ഫി എക്‌സ്പെര്‍ട്ട്, എഐ പോര്‍ട്രെയ്റ്റ് ഗ്ലോ, എഐ ഇറേസര്‍, ഡ്യുവല്‍-വ്യൂ വീഡിയോ തുടങ്ങിയ നൂതന കൃത്രിമബുദ്ധി സവിശേഷതകള്‍ ഈ ഫോണിലുണ്ട്. മികച്ച ഫോട്ടോഗ്രഫി അനുഭവത്തോടൊപ്പം ദൈനംദിന ഉപയോഗത്തിലെ ഈടും സ്ഥിരതയും എഫ്33 സീരീസ് വാഗ്ദാനം ചെയ്യുന്നു.

മറ്റു പ്രധാന സവിശേഷതകള്‍:

6.57 ഇഞ്ച് 120Hz അമോലെഡ് ഡിസ്‌പ്ലേ, മീഡിയടെക് ഡിമെന്‍സിറ്റി 6360 മാക്‌സ് പ്രൊസസര്‍, 12ജിബി വരെ റാം (RAM) മെമ്മറി, 80W സൂപ്പര്‍വൂക് ഫാസ്റ്റ് ചാര്‍ജിംഗ് എന്നിവ ഇതിന്റെ പ്രത്യേകതയാണ്.

എഫ്33 പ്രോ 5ജി ഏപ്രില്‍ 23 മുതലും എഫ്33 5ജി ഏപ്രില്‍ 26 മുതലും ലഭ്യമാകും. ഓഫ്‌ലൈന്‍ സ്റ്റോറുകള്‍, ഒപ്പോ ഇ-സ്റ്റോര്‍, ഫ്‌ലിപ്പാര്‍ട്ട്, ആമസോണ്‍ എന്നിവയിലൂടെ ഫോണ്‍ സ്വന്തമാക്കാം. 31,999 മുതല്‍ 37,999 രൂപ വരെയാണ് ഓഫര്‍ വില.

പ്രീ-ബുക്കിംഗ് ചെയ്യുന്നവര്‍ക്കും ആദ്യദിന വാങ്ങലുകാര്‍ക്കും ബാങ്ക് ഓഫറുകള്‍, 180 ദിവസത്തെ സൗജന്യ ആകസ്മിക നാശ പരിരക്ഷ (Accidental Damage Protection), 10% വരെ ക്യാഷ്ബാക്ക്, നോ-കോസ്റ്റ് ഇഎംഐ, 10% എക്‌സ്‌ചേഞ്ച് ബോണസ് തുടങ്ങിയ ആകര്‍ഷകമായ ആനുകൂല്യങ്ങളും ലഭ്യമാണ്.