ആലപ്പുഴ: ലൗ ദ ഖുര്ആന് മാസ്റ്റേഴ്സ് ക്ലബ്ബിന്റെ സൗത്ത് സോണ് മീറ്റ് ആലപ്പുഴയില് നടന്നു. കോഴിക്കോട് നളന്ദ ഓഡിറ്റോറിയത്തില് നടന്ന ആനുവല് മീറ്റിന് ശേഷമുള്ള വിലയിരുത്തല് യോഗത്തിലാണ് വിവിധ സോണുകളില് മീറ്റിംഗുകള് സംഘടിപ്പിക്കാന് തീരുമാനിച്ചത്. ഇതിന്റെ ആദ്യപടിയായിട്ടാണ് സൗത്ത് സോണ് മീറ്റ് ആലപ്പുഴയില് ഹൗസ് ബോട്ടില് സംഘടിപ്പിച്ചത്.
സൗത്ത് സോണിന് പുറമെ മറ്റു സോണുകളില് നിന്നുള്ള മാസ്റ്റേഴ്സും പങ്കെടുത്തു. പ്രോഗ്രാം കോര്ഡിനേറ്റര് സത്താര് മാസ്റ്ററുടെ അധ്യക്ഷതയില് ചേര്ന്ന യോഗത്തില് ക്ലബ്ബ് ഡയറക്ടര് അബ്ദുന്നസിറിനെയും കുടുംബത്തെയും, ക്ലബ്ബ് സീനിയര് മാസ്റ്ററും വയനാട് ക്ലബ്ബ് പ്രസിഡന്റുമായ ബഷീര് മാസ്റ്ററെയും ആദരിച്ചു.
പാതിരാമണലില് നടന്ന ചടങ്ങില് ക്ലബ്ബ് ചെയര്മാന് അബ്ദുന്നസിര് മാസ്റ്റേഴ്സിനെ അഭിസംബോധന ചെയ്തു സംസാരിച്ചു. ഏതൊരു കാര്യത്തിലും അല്ലാഹുവിന്റെ നന്മയുണ്ടെന്നും മറ്റുള്ളവരെ ചേര്ത്തുപിടിക്കാനുള്ള അവസരങ്ങള് പാഴാക്കരുതെന്നും അദ്ദേഹം ഓര്മ്മിപ്പിച്ചു.
ഒരു ഒഫീഷ്യല് മീറ്റിംഗില് നിന്നും വ്യത്യസ്തമായി വിവിധ സോണുകളില് നിന്നുള്ള മാസ്റ്റേഴ്സുമായി ആശയവിനിമയം നടത്താനും പ്രകൃതിഭംഗി ആസ്വദിക്കാനും ഈ ഒത്തുചേരല് സഹായിച്ചുവെന്ന് ഗ്ലോബല് ഡയറക്ടര് ലൈലാ വണ്ടൂര് പറഞ്ഞു. ക്ലബ്ബിലെ ആദ്യകാല അംഗങ്ങള് മുതല് ഏറ്റവും പുതിയ മാസ്റ്റേഴ്സ് വരെ കുടുംബസമേതം പരിപാടിയില് പങ്കെടുത്തു. ക്വിസ് പ്രോഗ്രാമും ഗാനാലാപനവും മീറ്റിന് മാറ്റുകൂട്ടി. അടുത്ത സോണ് മീറ്റിനായുള്ള കാത്തിരിപ്പോടെയാണ് അംഗങ്ങള് പിരിഞ്ഞത്.
