ജിദ്ദ: ഈ വര്‍ഷത്തെ ഹജ്ജ് കര്‍മ്മത്തിനായി എത്തുന്ന തീര്‍ത്ഥാടകരുടെ ആരോഗ്യ സുരക്ഷയും മുന്‍കരുതലുകളും ചര്‍ച്ച ചെയ്യുന്നതിനായി സിജി ഇന്റര്‍നാഷണല്‍ വുമണ്‍ കളക്ടീവ് (CIGI International Women Collective) വെബിനാര്‍ സംഘടിപ്പിക്കുന്നു. 'ഹാജിമാരുടെ ആരോഗ്യ പരിപാലനം - ചില മാര്‍ഗ്ഗനിര്‍ദ്ദേശങ്ങള്‍' എന്ന വിഷയത്തില്‍ നാളെ (ഏപ്രില്‍ 29 ബുധനാഴ്ച) ആണ് വെബിനാര്‍ നടക്കുക.

നാട്ടില്‍നിന്നും വിദേശത്തുനിന്നുമായി എത്തുന്ന ഹാജിമാരുടെ ആത്മീയവും ശാരീരികവും മാനസികവുമായ ആരോഗ്യ പരിപാലനം, കാലാവസ്ഥാ വ്യതിയാനങ്ങള്‍ക്കനുസരിച്ച് ഹജ്ജ് വേളയില്‍ ശ്രദ്ധിക്കേണ്ട കാര്യങ്ങള്‍ എന്നിവ ചടങ്ങില്‍ വിശദീകരിക്കും.

സിജി ജിദ്ദ ചാപ്റ്റര്‍ ജനറല്‍ സെക്രട്ടറിയും ജിദ്ദ ഫാക്കല്‍റ്റി ഓഫ് മെഡിക്കല്‍ റീഹാബിലിറ്റേഷന്‍ അസോസിയേറ്റ് പ്രൊഫസര്‍ ഡോ. മുഹമ്മദ് ഫൈസല്‍ സി.കെ, ഗ്ലോബ് വിന്‍ ലോജിസ്റ്റിക്‌സ് കൊമേഴ്‌സ്യല്‍ മാനേജര്‍ ഉമറുല്‍ ഫാറൂഖ് എന്നിവര്‍ വിവിധ വിഷയങ്ങളില്‍ ക്ലാസ്സുകള്‍ നയിക്കും.

സൗദി സമയം വൈകുന്നേരം 5.00-നും യുഎഇ സമയം 6.00-നും ഇന്ത്യയില്‍ രാത്രി 7.30-നുമാണ് വെബിനാര്‍ ആരംഭിക്കുന്നത്. സൂം പ്ലാറ്റ്ഫോം വഴിയാണ് പരിപാടി ക്രമീകരിച്ചിരിക്കുന്നത്.

സൂം മീറ്റിംഗ് വിവരങ്ങള്‍: https://us02web.zoom.us/j/85458117405?pwd=M61cNuz1XLc60nPHioSr57aIj7l8bH.1

Meeting ID: 854 8511 7406, Passcode: ICWC

ഹജ്ജ് തീര്‍ത്ഥാടകര്‍ക്കും അവരുടെ ബന്ധുക്കള്‍ക്കും പ്രവാസികള്‍ക്കും ഈ വെബിനാറില്‍ പങ്കെടുക്കാവുന്നതാണെന്ന് സംഘാടകര്‍ അറിയിച്ചു. കൂടുതല്‍ വിവരങ്ങള്‍ക്കായി സിജിയുടെ വാട്‌സാപ്പ് കമ്മ്യൂണിറ്റിയില്‍ അംഗങ്ങളാകാവുന്നതാണ്.
https://chat.whatsapp.com/HTIfCy6IGkX16ngMglanjK