ദോഹ: അക്ഷരങ്ങളുടെ ലോകത്തെ തിരക്കുകള്ക്കിടയില് സൗഹൃദത്തിന്റെ തണല്വിരിച്ച് ഖത്തറിലെ ഇന്ത്യന് മാധ്യമപ്രവര്ത്തകരുടെ കൂട്ടായ്മയായ ഇന്ത്യന് മീഡിയ ഫോറം (ഐ.എം.എഫ്) കുടുംബസംഗമം സംഘടിപ്പിച്ചു. ഐ.എം.എഫ് അംഗങ്ങളും അവരുടെ കുടുംബാംഗങ്ങളും പങ്കെടുത്ത സംഗമം പ്രവാസി മാധ്യമപ്രവര്ത്തകരുടെ ഊഷ്മളമായ ഒത്തുചേരലായി മാറി.
സല്വ റോഡിലെ സൈത്തൂണ് റെസ്റ്റോറന്റില് നടന്ന ചടങ്ങില്, മാധ്യമപ്രവര്ത്തന മേഖലയില് നിന്നും വിരമിച്ച ഐ.എം.എഫ് എക്സിക്യൂട്ടീവ് അംഗവും ഗള്ഫ് ടൈംസ് മുന് സ്റ്റാഫ് റിപ്പോര്ട്ടറുമായ ഷഫീഖ് ആലിങ്ങലിന് കൂട്ടായ്മയുടെ ഉപഹാരം നല്കി ആദരിച്ചു. ഖത്തറിലെ മാധ്യമരംഗത്ത് ഷഫീഖ് ആലിങ്ങല് നല്കിയ വിലപ്പെട്ട സേവനങ്ങളെ സഹപ്രവര്ത്തകര് ചടങ്ങില് അനുസ്മരിച്ചു.
അഹമ്മദ് പാതിരിപ്പറ്റ പരിപാടികള്ക്ക് നേതൃത്വം നല്കി. സംഗമത്തില് പങ്കെടുത്ത കുടുംബാംഗങ്ങള്ക്കായി വിവിധ കലാപരിപാടികളും ഒരുക്കിയിരുന്നു.
Related News
