മെക്സിക്കോ സിറ്റി: ലോകകപ്പ് ഉദ്ഘാടന മത്സരത്തില് ദക്ഷിണാഫ്രിക്കയ്ക്കെതിരെ മെക്സിക്കോ ആധിപത്യം തുടരുന്നു. മത്സരം 68 മിനിറ്റ് പിന്നിടുമ്പോള് ഏകപക്ഷീയമായ രണ്ട് ഗോളുകള്ക്ക് മെക്സിക്കോ മുന്നിലാണ്.
ആദ്യ പകുതിയിലെ ക്വിനോണിസിന്റെ ഗോളിന് ശേഷം രണ്ടാം പകുതിയില് ദക്ഷിണാഫ്രിക്കയുടെ നില കൂടുതല് പരുങ്ങലിലായി. ബ്രയാന് ഗുട്ടിയെറസിനെ ബോക്സിന് തൊട്ടുപുറത്തുവെച്ച് വീഴ്ത്തിയതിന് ദക്ഷിണാഫ്രിക്കന് താരം യായ സിത്തോളെയ്ക്ക് ചുവപ്പ് കാര്ഡ് ലഭിച്ചത് സന്ദര്ശകര്ക്ക് കനത്ത തിരിച്ചടിയായി. പത്ത് പേരായി ചുരുങ്ങിയ ദക്ഷിണാഫ്രിക്കന് പ്രതിരോധത്തെ മുതലെടുത്ത് മെക്സിക്കോ ആക്രമണം ശക്തമാക്കി.
അധികം വൈകാതെ റൗള് ജിമെനെസിലൂടെ മെക്സിക്കോ തങ്ങളുടെ രണ്ടാം ഗോള് കണ്ടെത്തി. മനോഹരമായ മുന്നേറ്റത്തിനൊടുവില് ലഭിച്ച പന്ത്, അതിശക്തമായ ഹെഡറിലൂടെ ജിമെനെസ് ദക്ഷിണാഫ്രിക്കന് ഗോള്കീപ്പര് വില്യംസിനെ മറികടന്ന് വലയിലെത്തിച്ചു. ഈ ഗോള് മെക്സിക്കന് ആരാധകര്ക്കിടയില് വലിയ ആവേശമാണ് സൃഷ്ടിച്ചത്.
തുടര്ച്ചയായ ആക്രമണങ്ങളുമായി കളം നിറഞ്ഞു കളിക്കുന്ന മെക്സിക്കോ, ജയമുറപ്പിച്ച മട്ടിലാണ് ഇപ്പോള് കളിക്കുന്നത്. പത്ത് പേരായി ചുരുങ്ങിയ ദക്ഷിണാഫ്രിക്കയ്ക്ക് ഇനി തിരിച്ചുവരവ് ഏറെ ശ്രമകരമായിരിക്കും.
Related News
