ജിദ്ദ: ജിദ്ദ കെഎംസിസി നിലമ്പൂര് മണ്ഡലം കമ്മിറ്റിയുടെ ആഭിമുഖ്യത്തില്, പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന നിലമ്പൂര് മണ്ഡലം കെഎംസിസി മുന് ട്രഷററും നിലവിലെ സീനിയര് വൈസ് പ്രസിഡന്റുമായ മനാഫ് അമരമ്പലത്തിന് യാത്രയയപ്പും ഹജ്ജ് വളണ്ടിയര്മാരെ ആദരിക്കലും സംഘടിപ്പിച്ചു.
സിയാബുദ്ദീന് വഴിക്കടവിന്റെ ഖിറാഅത്തോടെ ആരംഭിച്ച പരിപാടിയില് ജിദ്ദ നിലമ്പൂര് മണ്ഡലം കെഎംസിസി പ്രസിഡന്റ് ഫസലുറഹ്മാന് മൂത്തേടം അധ്യക്ഷത വഹിച്ചു. ജിദ്ദ മലപ്പുറം ജില്ലാ കെഎംസിസി പ്രസിഡന്റ് ഇസ്മായില് മുണ്ടുപറമ്പ് പരിപാടി ഉദ്ഘാടനം ചെയ്തു. ജിദ്ദ സെന്ട്രല് കെഎംസിസി പ്രസിഡന്റ് അബൂബക്കര് അരിമ്പ്ര മുഖ്യപ്രഭാഷണം നടത്തി. സെന്ട്രല് കെഎംസിസി ജനറല് സെക്രട്ടറി വി.പി. മുസ്തഫ വളണ്ടിയര്മാര്ക്കുള്ള അനുമോദന പ്രഭാഷണം നടത്തുകയും മനാഫ് യാത്രയയപ്പ് ആശംസകള് നേരുകയും ചെയ്തു. നിലമ്പൂര് മണ്ഡലം കെഎംസിസി പ്രസിഡന്റ് ഫസലുറഹ്മാനും സഹപ്രവര്ത്തകരും ചേര്ന്ന് മനാഫിനുള്ള സ്നേഹാദരവ് ഉപഹാരം (മെമന്റോ) കൈമാറി.
ഈ വര്ഷത്തെ ഹജ്ജിന് മാതൃകാപരമായ സേവനം കാഴ്ചവെച്ച വളണ്ടിയര്മാരായ അമീന് ഇസ്ലാഹി, നിസാര് അമ്പായക്കോടന് എന്നിവരെയും ചടങ്ങില് ആദരിച്ചു. ഇവര്ക്കുള്ള ഉപഹാരങ്ങള് ജിദ്ദ സെന്ട്രല് കമ്മിറ്റി സെക്രട്ടറി സുബൈര് വട്ടോളി, മലപ്പുറം ജില്ലാ കമ്മിറ്റി സെക്രട്ടറി അബുട്ടി പള്ളത്ത് എന്നിവര് വിതരണം ചെയ്തു.
നിലമ്പൂര് മണ്ഡലത്തിലെ വിവിധ പഞ്ചായത്തുകളെയും മുനിസിപ്പാലിറ്റിയെയും പ്രതിനിധീകരിച്ച് ഹഖ് കൊല്ലേരി, ജലീല് മൂത്തേടം, അമീന് ഇസ്ലാഹി, കെ.ടി. ഉമ്മര് ചുങ്കത്തറ, സൗഫല് കരുളായി, ഉസ്മാന് എടക്കര, അഫ്സല് കല്ലിങ്ങപാടം, സിറാസ് കരുളായി, റാഫി വഴിക്കടവ്, സമദ് അമരമ്പലം എന്നിവര് ആശംസകള് അര്പ്പിച്ച് സംസാരിച്ചു. ചടങ്ങില് സലീം മുണ്ടേരി സ്വാഗതവും സല്മാന് വഴിക്കടവ് നന്ദിയും പറഞ്ഞു.
.jpg)
Related News
