റിയാദ്- ജനങ്ങളുടെ ജീവിതനിലവാരം ഉയര്ത്തുന്നതില് കൈവരിച്ച പുരോഗതി വിലയിരുത്തുന്ന ആഗോള ക്വാളിറ്റി ഓഫ് ലൈഫ് സൂചികയില് റിയാദ് ഉള്പ്പെട്ടതായി ക്വാളിറ്റി ഓഫ് ലൈഫ് പ്രോഗ്രാം സെന്റര് അറിയിച്ചു. ലോകത്തിലെ മികച്ച നഗരങ്ങളുടെ പട്ടികയിലാണ് റിയാദ് സ്ഥാനം പിടിച്ചിരിക്കുന്നത്.
റോയല് കമ്മീഷന് ഫോര് റിയാദ് സിറ്റി, റിയാദ് മുനിസിപ്പാലിറ്റി, ക്വാളിറ്റി ഓഫ് ലൈഫ് പ്രോഗ്രാം സെന്റര് എന്നിവയുടെ നിരന്തരമായ പരിശ്രമങ്ങളുടെ ഫലമായാണ് ഈ നേട്ടം. ആരോഗ്യം, നഗര അന്തരീക്ഷം, സാമൂഹിക-സാമ്പത്തിക അവസരങ്ങള് എന്നിവ അടിസ്ഥാനമാക്കി നഗരങ്ങളുടെ പ്രകടനം വിലയിരുത്താന് സഹായിക്കുന്ന ഏകീകൃത അളവുകോലുകളാണ് ഇതിലൂടെ വികസിപ്പിച്ചെടുത്തിട്ടുള്ളത്.
പാര്പ്പിടം, ഗതാഗതം, പൊതുസേവനങ്ങള്, ഹരിത ഇടങ്ങള്, സുരക്ഷ, മാനസിക-ശാരീരിക ആരോഗ്യം തുടങ്ങിയ നിരവധി മേഖലകളെ ഉള്പ്പെടുത്തി നഗരങ്ങളിലെ ജീവിതനിലവാരം കൃത്യമായി നിരീക്ഷിക്കാന് തീരുമാനമെടുക്കുന്നവരെ സഹായിക്കുന്ന സമഗ്രമായ ഒരു ശാസ്ത്രീയ സൂചികയാണിത്. അര്ബന് പ്ലാനിംഗിലും നഗരവികസനത്തിലും അന്താരാഷ്ട്ര നിലവാരത്തിലാണ് റിയാദ് ഉള്ളത്.
