ജിദ്ദ: രണ്ടര പതിറ്റാണ്ട് നീണ്ട പ്രവാസം അവസാനിപ്പിച്ച് ജന്മനാട്ടിലേക്ക് മടങ്ങുന്ന ജിദ്ദ കോങ്ങാട് മണ്ഡലം കെ.എം.സി.സി. വൈസ് പ്രസിഡന്റ് മുസ്തഫ കരിമ്പയ്ക്ക് ജിദ്ദ കോങ്ങാട് മണ്ഡലം കമ്മിറ്റി സ്‌നേഹോപഹാരം നല്‍കി ആദരിച്ചു. ജിദ്ദ കെ.എം.സി.സി. പാലക്കാട് ജില്ലാ ട്രഷറര്‍ ഷഹീന്‍ തച്ചമ്പാറ യാത്രയയപ്പ് പരിപാടി ഉദ്ഘാടനം ചെയ്തു. മണ്ഡലം പ്രസിഡന്റ് മുഹമ്മദലി കാഞ്ഞിരപ്പുഴ ചടങ്ങില്‍ അധ്യക്ഷത വഹിച്ചു.

ജലീല്‍ കാഞ്ഞിരം (ജില്ലാ വൈസ് പ്രസിഡന്റ്), ജുനൈസ് (തച്ചമ്പാറ പഞ്ചായത്ത് ജനറല്‍ സെക്രട്ടറി), ഷംസു പാച്ചീരി എന്നിവര്‍ ആശംസകള്‍ നേര്‍ന്നു.
ജനറല്‍ സെക്രട്ടറി ഫാരിസ് തച്ചമ്പാറ സ്വാഗതവും ട്രഷറര്‍ സഫാദ് കരിമ്പ നന്ദിയും പറഞ്ഞു.