റിയാദ്: നവോദയ സംഘടിപ്പിച്ച നാലാമത് കാരംസ് ടൂര്ണമെന്റില് അന്സാര്-നിസാം ടീം ജേതാക്കളായി. ഷംസീര്-ലത്തീഫ് ടീം (ഫ്രണ്ട്സ് ഫോര്എവര്) രണ്ടാം സ്ഥാനം കരസ്ഥമാക്കി. 5 സെറ്റുകള് നീണ്ട വാശിയേറിയ കലാശപ്പോരാട്ടത്തില് ആദ്യ രണ്ടു സെറ്റുകള് നേടി ഷംസീര്-ലത്തീഫ് ടീം മുന്കൈ നേടിയെങ്കിലും തൊട്ടടുത്ത 3 സെറ്റുകള് തുടര്ച്ചയായി കരസ്ഥമാക്കി അവിശ്വസനീയ തിരിച്ചുവരവ് നടത്തിയാണ് അന്സാര്-നിസാം ടീം വിജയികളുടെ ട്രോഫി സ്വന്തമാക്കിയത്. മൊത്തം 13 ടീമുകളാണ് ഡബിള്സ് മത്സരത്തില് പങ്കെടുത്തത്.
മത്സരത്തിന് മുന്പ് നടന്ന പൊതുയോഗം ന്യൂഏജ് സാംസ്കാരിക വേദി ഭാരവാഹി സമീര് ഉദ്ഘാടനം ചെയ്തു. ബാബുജി, റസ്സല്, നജീം കൊച്ചുകലുങ്ക്, ഷൈജു പച്ച എന്നിവര് സംസാരിച്ചു. നവോദയ പ്രസിഡന്റ് വിക്രമലാല് അധ്യക്ഷത വഹിച്ച യോഗത്തില് സെക്രട്ടറി രവീന്ദ്രന് പയ്യന്നൂര് സ്വാഗതം പറഞ്ഞു. മാധ്യമ പ്രവര്ത്തകന് നജീം കൊച്ചുകലുങ്ക് മത്സരത്തിന് ഫസ്റ്റ് ബോര്ഡ് സ്ട്രൈക്ക് നിര്വഹിച്ചതോടെ മത്സരങ്ങള്ക്ക് തുടക്കമായി. സാമൂഹ്യ പ്രവര്ത്തകരായ ശിഹാബ് കൊട്ടുകാട്, റഹുമാന് മുനമ്പത്ത് എന്നിവരും മത്സരങ്ങള് വീക്ഷിക്കാന് എത്തിയിരുന്നു. ശ്രീരാജ്, അജയന്, ജിതിന് വാലപ്പന്, റസ്സല് മഠത്തിപ്പറമ്പില്, രതീഷ്, കുമ്മിള് സുധീര് എന്നിവര് മത്സരങ്ങള് നിയന്ത്രിച്ചു. വിജയികള്ക്ക് നവോദയ ഭാരവാഹികള് ട്രോഫിയും മെഡലുകളും കൈമാറി.
