ജിസാൻ: ​ജിസാനിലെ ദർബിനടുത്ത ഹുറൈളയിൽ ബഖാല ജീവനക്കാരൻ ഹൃദയാഘാതം മൂലം മരിച്ചു. ​മൂന്നിയൂർ വെളിമുക്ക് ആലുങ്ങൽ സ്വദേശി പരേതനായ കോഴിപ്പറമ്പത്ത് (വാക്കനാട്ടിൽ) മുഹമ്മദ് ഹാജിയുടെ മകൻ അബ്ദുസ്സലാം (41) ആണ് മരണപ്പെട്ടത്.

രാവിലത്തെ ഡ്യൂട്ടി കഴിഞ്ഞ് മുറിയിൽ വിശ്രമിക്കുന്നതിനിടെ ഉണ്ടായ നെഞ്ചുവേദനയെ തുടർന്ന് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
​വിസയുമായി ബന്ധപ്പെട്ട പ്രതിബന്ധങ്ങൾ തീർത്ത് കഫാല മാറ്റം ഇന്നലെ പൂർത്തിയാക്കി അടുത്ത ആഴ്ച നാട്ടിലേക്ക് യാത്ര തിരിക്കാൻ ഒരുങ്ങുകയായിരുന്നു.

​നിയമനടപടികൾ പൂർത്തിയാക്കി മൃതദേഹം സൗദിയിൽ ഖബറടക്കുമെന്ന് ബന്ധുക്കൾ അറിയിച്ചു. മൃതദേഹം നിലവിൽ അൽ ഖഹ്‌മ ഹോസ്പിറ്റൽ മോർച്ചറിയിൽ സൂക്ഷിച്ചിരിക്കുകയാണ്.
​സഹോദരി ഭർത്താവ് ബഷീർ ജിദ്ദയിൽ നിന്ന് പുറപ്പെട്ടിട്ടുണ്ട്. നിയമനടപടികൾ പൂർത്തിയാക്കാനും ഖബറടക്കം വേഗത്തിലാക്കാനും ദർബ് കെ.എം.സി.സി ചെയർമാൻ സുൽഫിക്കർ വെള്ളിയഞ്ചേരിയുടെ നേതൃത്വത്തിൽ ജിസാൻ കെ.എം.സി.സി വെൽഫെയർ വിങ് രംഗത്തുണ്ട്.