ജിദ്ദ: ജിദ്ദയിലെ പ്രമുഖ ജില്ലാ സംഘടനയായ തിരുവനന്തപുരം സ്വദേശി സംഗമം (TSS) ജിദ്ദയുടെ പുതിയ വര്ഷത്തേക്കുള്ള ഭാരവാഹികളെ തെരഞ്ഞെടുത്തു. കഴിഞ്ഞ ദിവസം നടന്ന ഓണാഘോഷ പരിപാടിയിലാണ് പുതിയ ഭരണസമിതിയെ പ്രഖ്യാപിച്ചത്. ഷബീര് സുബൈറുദ്ദീന് (പ്രസിഡന്റ്), മന്സൂര് അബ്ദുള് കലാം (ജനറല് സെക്രട്ടറി), ഫൈനസ് വെഞ്ഞാറമൂട് (ട്രഷറര്) എന്നിവര് പ്രധാന ചുമതലകള് ഏറ്റെടുത്തു.
നജീബ് വെഞ്ഞാറമൂട്, കൃഷ്ണമൂര്ത്തി എന്നിവരെ വൈസ് പ്രസിഡന്റുമാരായും റാം കുമാര്, സക്കറിയ എന്നിവരെ ജോയിന്റ് സെക്രട്ടറിമാരായും തെരഞ്ഞെടുത്തു. മുഹമ്മദ് ബിജു ചാരിറ്റി കണ്വീനറായും ഹരീഷ് കൃഷ്ണന് സാംസ്കാരിക കണ്വീനറായും ചുമതലയേറ്റു.
സംഘടനയുടെ സാമൂഹിക, കാരുണ്യ, സാംസ്കാരിക പ്രവര്ത്തനങ്ങള് കൂടുതല് ശക്തിപ്പെടുത്തുന്നതിനും വിപുലീകരിക്കുന്നതിനും പുതിയ നേതൃത്വം മുന്ഗണന നല്കുമെന്ന് ഭാരവാഹികള് അറിയിച്ചു. തിരുവനന്തപുരം ജില്ലയില് നിന്നുള്ള ജിദ്ദ പ്രവാസികളുടെ കൂട്ടായ്മ കൂടുതല് സജീവമാക്കുന്നതിനും അംഗങ്ങളുടെ ക്ഷേമത്തിനും ആവശ്യങ്ങള്ക്കനുസരിച്ചുള്ള വിവിധ പ്രവര്ത്തനങ്ങള് ഏകോപിപ്പിച്ചു മുന്നോട്ടുകൊണ്ടുപോകുമെന്നും അവര് വ്യക്തമാക്കി.
Related News
