ന്യൂയോര്ക്ക്: സൗദി അറേബ്യയുടെ 'ആത്മരക്ഷാ അവകാശത്തെ' ഐക്യരാഷ്ട്രസഭ സുരക്ഷാ കൗണ്സില് ഔദ്യോഗികമായി അംഗീകരിച്ചു. രാജ്യത്തിന് നേരെ ഹൂതികള് തുടരുന്ന ആക്രമണങ്ങളെ സുരക്ഷാ കൗണ്സില് ശക്തമായി അപലപിക്കുകയും, ഇറാന് പിന്തുണയുള്ള ഈ മിലിഷ്യയോട് സൈനിക നടപടികള് ഉടന് അവസാനിപ്പിക്കാന് ആവശ്യപ്പെടുകയും ചെയ്തു.
ഫ്രഞ്ച് അംബാസഡറും ഈ മാസത്തെ സുരക്ഷാ കൗണ്സില് പ്രസിഡന്റുമായ ജെറോം ബോണാഫോണ്ടാണ് ഇക്കാര്യം വ്യക്തമാക്കിയത്. ജനവാസ മേഖലകള്ക്കും സിവിലിയന് വസ്തുക്കള്ക്കും നേലെയുണ്ടാകുന്ന ആക്രമണങ്ങളില് കൗണ്സിലിലെ 15 അംഗങ്ങളും സൗദി അറേബ്യയ്ക്ക് ഐക്യദാര്ഢ്യം പ്രഖ്യാപിച്ചതായി അദ്ദേഹം പറഞ്ഞു. സ്ത്രീകള്ക്കും കുട്ടികള്ക്കും ഉള്പ്പെടെ പരിക്കേല്ക്കുന്നതിനും, ഊര്ജ പ്ലാന്റുകള്ക്ക് കേടുപാടുകള് സംഭവിക്കുന്നതിനും ഈ ആക്രമണങ്ങള് കാരണമായതായി കൗണ്സില് ചൂണ്ടിക്കാട്ടി.
സൗദി അറേബ്യയുടെ സ്വയം പ്രതിരോധിക്കാനുള്ള അവകാശത്തെ സുരക്ഷാ കൗണ്സില് അംഗീകരിച്ചു. ചെങ്കടലിലെയും ബാബ് അല്-മന്ദബ് കടലിടുക്കിലെയും കപ്പല് ഗതാഗതത്തിന് നേതെയുള്ള ഭീഷണികള് അന്താരാഷ്ട്ര നിയമങ്ങളുടെ ലംഘനമാണെന്ന് കൗണ്സില് വ്യക്തമാക്കി. യെമനിലെ സംഘര്ഷങ്ങള് കാരണം സെപ്റ്റംബര് മുതല് ലക്ഷത്തിലധികം ആളുകള് കുടിയൊഴിക്കപ്പെട്ടതില് കൗണ്സില് കടുത്ത ആശങ്ക രേഖപ്പെടുത്തി.
ഐക്യരാഷ്ട്രസഭയുടെയും സര്ക്കാരിതര സംഘടനകളുടെയും (NGO) പ്രവര്ത്തകര് ഉള്പ്പെടെയുള്ള തടവുകാരെ ഉപാധികളില്ലാതെ ഉടന് മോചിപ്പിക്കാന് ആവശ്യപ്പെട്ടു. ഹൂതികള്ക്ക് ആയുധങ്ങളും പരിശീലനവും ലഭിക്കുന്നത് തടയാന് അംഗരാജ്യങ്ങള് കര്ശന നടപടികള് സ്വീകരിക്കണമെന്ന് സുരക്ഷാ കൗണ്സില് ഓര്മ്മിപ്പിച്ചു.
അക്രമത്തിലൂടെയും ബലപ്രയോഗത്തിലൂടെയും യെമനില് ശാശ്വത സമാധാനം കൈവരിക്കാനാകില്ലെന്നും, യെമന് സര്ക്കാരിന്റെ പരമാധികാരത്തിനും ഐക്യത്തിനും പൂര്ണ്ണ പിന്തുണ നല്കുന്നതായും സുരക്ഷാ കൗണ്സില് ആവര്ത്തിച്ചു വ്യക്തമാക്കി.
.jpg)
.jpg)
Related News
