ജിദ്ദ: സൗദി അറേബ്യയുടെ 96-ാമത് ദേശീയ ദിനാഘോഷത്തിന്റെ ഭാഗമായി തിരുവനന്തപുരം സ്വദേശി സംഗമം ലേഡീസ് വിങ്ങിന്റെ നേതൃത്വത്തില് ജിദ്ദയില് വിപുലമായ ആഘോഷ പരിപാടികള് സംഘടിപ്പിച്ചു. ടി.എസ്.എസ് ലേഡീസ് വിങ് കണ്വീനര് ഷൈമ നജീബ് യോഗത്തില് സ്വാഗതം ആശംസിച്ചു. പ്രസിഡന്റ് ഷബീര് സുബൈര്ദീന് ചടങ്ങിന് അധ്യക്ഷത വഹിച്ചു. സൗദി അറേബ്യ കൈവരിച്ച അഭൂതപൂര്വമായ വളര്ച്ചയെക്കുറിച്ചും പ്രവാസികള്ക്ക് രാജ്യം നല്കുന്ന സുരക്ഷിതത്വത്തെക്കുറിച്ചും പിന്തുണയെക്കുറിച്ചും അദ്ദേഹം തന്റെ പ്രസംഗത്തില് എടുത്തുപറഞ്ഞു.
ടി.എസ്.എസ് ജനറല് സെക്രട്ടറി മന്സൂര് കലാം സൗദി ദേശീയ ദിന സന്ദേശം കൈമാറി. ആഘോഷ പരിപാടികളുടെ ഭാഗമായി കുട്ടികള് നടത്തിയ ദേശീയ ദിന പ്രഭാഷണങ്ങള് സദസ്സിന്റെ പ്രത്യേക ശ്രദ്ധ പിടിച്ചുപറ്റി. സൗദിയുടെ സമ്പന്നമായ ചരിത്രവും വിഷന് 2030-ന്റെ പ്രാധാന്യവും കുട്ടികള് തങ്ങളുടെ പ്രസംഗങ്ങളിലൂടെ പങ്കുവെച്ചു.
സൗദി ദേശീയ ഗാനാലാപനത്തോടെ ആരംഭിച്ച ചടങ്ങില് ദേശീയ ദിന കേക്ക് മുറിക്കലും, കുട്ടികളും ലേഡീസ് വിങ് അംഗങ്ങളും അവതരിപ്പിച്ച വൈവിധ്യമാര്ന്ന സാംസ്കാരിക കലാപരിപാടികളും അരങ്ങേറി. ജോയിന്റ് കണ്വീനര് നസ്വി ഫിനൂസ് പരിപാടിയുടെ അവതാരകയായിരുന്നു. ലേഡീസ് വിങ് കള്ച്ചറല് സെക്രട്ടറി ഐശ്വര്യ തരുണ് ചടങ്ങിന് നന്ദി രേഖപ്പെടുത്തി. ലേഡീസ് വിങ് അംഗങ്ങള് പരിപാടികള്ക്ക് നേതൃത്വം നല്കി.
.jpg)
.jpg)
