തിരുവനന്തപുരം കേരള സംസ്ഥാന ചലച്ചിത്ര അക്കാദമി ചെയര്മാനായി ചലച്ചിത്ര ക്യൂറേറ്ററും നടനുമായ രവീന്ദ്രനെ നിയമിച്ചു. നടിയും സാംസ്കാരിക പ്രവര്ത്തകയുമായ പ്രിയങ്ക നായരാണ് വൈസ് ചെയര്പഴ്സന്. തെന്നിന്ത്യന് സിനിമയില് ശ്രദ്ധേയമായ സാന്നിധ്യമായ രവീന്ദ്രന്റെ നേതൃത്വത്തില് സിനിമയുടെ കലാപരവും സാങ്കേതികവുമായ മേഖലകള്ക്ക് കൂടുതല് ഊന്നല് നല്കാനാണ് ലക്ഷ്യമിടുന്നതെന്ന് സര്ക്കാര് വാര്ത്താക്കുറിപ്പില് അറിയിച്ചു.
ജനറല് കൗണ്സിലിലേക്ക് ദീപു കരുണാകരന്, വൈക്കം വിജയലക്ഷ്മി, എം.വി ഗിരീഷ്കുമാര്, സലിം ഹസ്സന്, ബി. രാകേഷ്, സജീവന് അന്തിക്കാട്, ജോഫിന്.ടി.ചാക്കോ, സക്കരിയ, ആര്.എസ് പണിക്കര്, ധര്മ്മജന് ബോള്ഗാട്ടി, വാഴൂര് ജോസ്, എ. കബീര്, സാബു ശങ്കര്, ഷെര്ഗ സന്ദീപ്, അബ്ദുള് ഹനാന് എന്നിവരെയും തെരഞ്ഞെടുത്തു.
തൃപ്പൂണിത്തുറയില് ഏലിയാസിന്റെയും ഡോ. സാറാമ്മയുടെയും മകനായി ജനിച്ച രവീന്ദ്രന് ചെന്നൈയിലെ അഡയാര് ഫിലിം ഇന്സ്റ്റിറ്റ്യൂട്ടില് അഭിനയപഠനം പൂര്ത്തിയാക്കി. 1980-ല് പുറത്തിറങ്ങിയ തമിഴ് ചിത്രം 'ഒരു തലൈ രാഗ'ത്തിലൂടെ ചലച്ചിത്രരംഗത്ത് ശ്രദ്ധേയനായത്. അശ്വരഥം, ഈ നാട്, ജോണ് ജാഫര് ജനാര്ദ്ദനന്, ഇന്നലെ ഇന്നെങ്കില്, സിന്ദൂരസന്ധ്യയ്ക്ക് മൗനം, അതിരാത്രം, ഇടനിലകള് തുടങ്ങിയ മലയാള ചിത്രങ്ങളിലും ശ്രദ്ധേയമായ കഥാപാത്രങ്ങള് ചെയ്തിട്ടുണ്ട്.
.jpg)
Related News
