റിയാദ്: പാലക്കാട് മണ്ണാര്‍ക്കാട് തെങ്കര പറശ്ശേരി കാപ്പില്‍ ഉമ്മര്‍ (41) ലൈല അഫലാജില്‍ ഹൃദയാഘാതം മൂലം മരിച്ചു. രണ്ട് പതിറ്റാണ്ടോളമായി ലൈല അഫ് ലാജില്‍ ബക്കാല ജീവനക്കാരനായി ജോലി ചെയ്തുവരികയായിരുന്നു. പരേതനായ കാപ്പില്‍ അബുവിന്റെയും ഫാത്തിമയുടെയും മകനാണ്. ജസീലയാണ് ഭാര്യ. നിദ ഫാത്തിമ, മുഹമ്മദ് നഹീം, മുഹമ്മദ് നസല്‍ എന്നിവര്‍ മക്കളാണ്. റിയാദ് കെഎംസിസി വെല്‍ഫെയര്‍ വിംഗിന്റെ നേതൃത്വത്തില്‍ മൃതദേഹം നാട്ടിലെത്തിക്കുന്നതിനുള്ള നിയമനടപടികള്‍ പുരോഗമിക്കുന്നു.