ലണ്ടന്‍: ലോക ഫുട്‌ബോളിലെ പോയ വര്‍ഷത്തെ മികവിനുള്ള ഏറ്റവും വലിയ അംഗീകാരങ്ങളിലൊന്നായ ബാലന്‍ഡോര്‍ ബഹുമതി ഇംഗ്ലണ്ട് താരം ഹാരി കെയ്‌നിന്. വനിതാ വിഭാഗത്തില്‍ സ്‌പെയിന്‍ താരം അലക്‌സിയ പുലേറ്റസ് പുരസ്‌കാരം സ്വന്തമാക്കി. ബാലന്‍ഡോറിന്റെ 70ാമത് പതിപ്പില്‍ സ്‌പെയിനും സ്പാനിഷ് ക്ലബ്ബുകളും പുരസ്‌കാരങ്ങള്‍ വാരിക്കൂട്ടി.
ലണ്ടനിലെ പല്ലേഡിയത്തില്‍ നടക്കേണ്ടിയിരുന്ന ചടങ്ങ് ഗതാഗതക്കുരുക്കും തിരക്കും കാരണം 45 മിനിറ്റ് വൈകിയാണ് ആരംഭിച്ചത്. പുരുഷ വിഭാഗത്തില്‍ കെയ്‌നും ലാമിന്‍ യമാലും (സ്‌പെയിന്‍) കിലിയന്‍ എംബാപ്പെയും (ഫ്രാന്‍സ്) തമ്മിലായിരുന്നു പ്രധാന മത്സരം. ബയേണ്‍ മ്യൂണിക്കിന്റെയും ഇംഗ്ലണ്ടിന്റെയും താരമായ കെയ്ന്‍ എതിരാളികളെ മറികടന്ന് പുരസ്‌കാരം നേടി. പുരുഷ വിഭാഗത്തിലെ മികച്ച സ്‌െ്രെടക്കര്‍ക്കുള്ള പുരസ്‌കാരവും കെയ്‌നിനാണ്.
വനിതാ വിഭാഗത്തില്‍ അലക്‌സിയ പുലേറ്റസ് മൂന്നാം തവണയാണ് ബാലന്‍ഡോര്‍ ഫെമിനിന്‍ സ്വന്തമാക്കിയത്. ഇവാ പജോര്‍, മെല്‍ഷി ഡുമോര്‍നെ തുടങ്ങിയവരെ മറികടന്നാണ് നേട്ടം. കഴിഞ്ഞ മൂന്ന് വര്‍ഷം വനിതാ ബാലന്‍ഡോറില്‍ ആധിപത്യം പുലര്‍ത്തിയ ഐതാന ബോണ്‍മതിക്ക് ഇത്തവണ പുരസ്‌കാരം ലഭിച്ചില്ല.
2026 ലോകകപ്പ് നേടിയ സ്‌പെയിനിന്റെ പരിശീലകന്‍ ലൂയിസ് ദെ ലാ ഫുവെന്റെയ്ക്കാണ് പുരുഷ വിഭാഗത്തിലെ മികച്ച പരിശീലകനുള്ള പുരസ്‌കാരം. ബാഴ്‌സലോണ വനിതാ ടീമിന്റെ പെരെ റോമ്യൂ വനിതാ വിഭാഗത്തിലെ മികച്ച പരിശീലകനായി തിരഞ്ഞെടുക്കപ്പെട്ടു.
സ്‌പെയിന്‍ ദേശീയ ടീമിന്റെയും ബാഴ്‌സലോണയുടെയും മികവ് പുരസ്‌കാരവേദിയിലും പ്രതിഫലിച്ചു. സ്‌പെയിന്‍ ഗോള്‍കീപ്പര്‍ ഉനായ് സിമോണ്‍ പുരുഷ വിഭാഗത്തിലെ മികച്ച ഗോള്‍കീപ്പറായി. ബാഴ്‌സലോണ വനിതാ ടീമിന്റെ കാറ്റ കൊള്‍ വനിതാ വിഭാഗത്തിലെ മികച്ച ഗോള്‍കീപ്പര്‍ക്കുള്ള പുരസ്‌കാരം നേടി.
ബാഴ്‌സലോണയുടെ വിക്കി ലോപ്പസ് തുടര്‍ച്ചയായ രണ്ടാം തവണയും മികച്ച യുവ വനിതാ താരമായി തിരഞ്ഞെടുക്കപ്പെട്ടു. ലാമിന്‍ യമാല്‍ തുടര്‍ച്ചയായ മൂന്നാം തവണയാണ് മികച്ച യുവ പുരുഷ താരത്തിനുള്ള പുരസ്‌കാരം നേടിയത്.
ബാലന്‍ഡോര്‍: ഹാരി കെയ്ന്‍ (ബയേണ്‍ മ്യൂണിക്/ഇംഗ്ലണ്ട്)
വനിതാ ബാലന്‍ഡോര്‍: അലക്‌സിയ പുലേറ്റസ് (ബാഴ്‌സലോണ/ലണ്ടന്‍ സിറ്റി ലയണസസ്/സ്‌പെയിന്‍)
മികച്ച പുരുഷ സ്‌െ്രെടക്കര്‍: ഹാരി കെയ്ന്‍
മികച്ച വനിതാ സ്‌െ്രെടക്കര്‍: ചാര്‍ലിന്‍ കൊറാല്‍ (മെക്‌സിക്കോ)
മികച്ച പുരുഷ ക്ലബ്: പാരിസ് സെന്റ് ജെര്‍മെയ്ന്‍
മികച്ച വനിതാ ക്ലബ്: ബാഴ്‌സലോണ
സ്‌പോര്‍ട്‌സ്മാന്‍ സ്പിരിറ്റിനുള്ള സോക്രട്ടീസ് പുരസ്‌കാരം:ബുകായോ സാക (ആഴ്‌സനല്‍/ഇംഗ്ലണ്ട്)
മികച്ച പുരുഷ ഗോള്‍കീപ്പര്‍: ഉനായ് സിമോണ്‍ (അത്‌ലറ്റിക് ക്ലബ്/സ്‌പെയിന്‍)
മികച്ച വനിതാ ഗോള്‍കീപ്പര്‍: കാറ്റ കൊള്‍ (ബാഴ്‌സലോണ/സ്‌പെയിന്‍)
മികച്ച പുരുഷ പരിശീലകന്‍:ലൂയിസ് ദെ ലാ ഫുവെന്റെ (സ്‌പെയിന്‍)
മികച്ച വനിതാ പരിശീലകന്‍: പെരെ റോമ്യൂ (ബാഴ്‌സലോണ)
മികച്ച യുവ വനിതാ താരം: വിക്കി ലോപ്പസ് (ബാഴ്‌സലോണ/സ്‌പെയിന്‍)
മികച്ച യുവ പുരുഷ താരം: ലാമിന്‍ യമാല്‍ (ബാഴ്‌സലോണ/സ്‌പെയിന്‍)
Related News
