ദമ്മാം: 'ഇസ്ലാം: നിര്‍ഭയത്വവും സമാധാനവും' എന്ന പ്രമേയത്തില്‍ സംഘടിപ്പിക്കുന്ന സൗദി ദേശീയ ക്യാമ്പെയിന്റെ ഭാഗമായി ഇന്ത്യന്‍ ഇസ്ലാഹി സെന്റര്‍ അല്‍ ഖോബാര്‍ യൂത്തും ഇന്ത്യന്‍ ഇസ്ലാഹി സെന്റര്‍ ദമ്മാം യൂത്തും സംയുക്തമായി സംഘടിപ്പിക്കുന്ന 'ടീന്‍സ് സ്പേസ്' കൗമാര വിദ്യാര്‍ത്ഥി സംഗമത്തിന്റെ പോസ്റ്റര്‍ പ്രകാശനം ചെയ്തു.

ഇസ്ലാമിക് കള്‍ച്ചറല്‍ സെന്റര്‍ (ICC) ദമ്മാം മലയാള വിഭാഗം മേധാവി അബ്ദുല്‍ ജബ്ബാര്‍ മദീനിയാണ് പോസ്റ്റര്‍ പ്രകാശനം നിര്‍വ്വഹിച്ചത്. കൗമാരക്കാരായ വിദ്യാര്‍ത്ഥികളില്‍ ധാര്‍മ്മിക മൂല്യങ്ങളും ആത്മവിശ്വാസവും വളര്‍ത്തിയെടുക്കുന്നതിനും, ക്യാമ്പെയിന്‍ സന്ദേശം ചെറുപ്പക്കാരിലേക്ക് എത്തിക്കുന്നതിനുമായി നവംബര്‍ 20-ന് ദമ്മാമിലാണ് 'ടീന്‍സ് സ്പേസ്' സംഘടിപ്പിക്കുന്നത്.