റിയാദ്: പ്രവാസി സമൂഹത്തിന് ഉപകാരപ്രദമായ വിവിധ പ്രവര്‍ത്തനങ്ങള്‍ ലക്ഷ്യമിട്ട് 'നവധാര റിയാദ്' (എന്‍.ഡി.ആര്‍.) കൂട്ടായ്മയ്ക്ക് തുടക്കമായി. അല്‍ മദീന ഹൈപ്പര്‍ ഓഡിറ്റോറിയത്തില്‍ നടന്ന ചടങ്ങില്‍ സംഘടനയുടെ ചീഫ് പേട്രണും അല്‍ ഷിഫാ മെഡിക്കല്‍ സര്‍വീസസ് പ്രതിനിധിയുമായ ഡോ. ഇദ്രീസ് സലീം ഖാന്‍ ഗൗര്‍, സ്വിച്ച് ഓണ്‍ കര്‍മ്മം നിര്‍വഹിച്ച് കൂട്ടായ്മയുടെ ലോഗോ പ്രകാശനം ചെയ്തു.
മുത്തലിബ് കാലിക്കറ്റ് അധ്യക്ഷത വഹിച്ചു. കോ-ചീഫ് പേട്രണ്‍ ഡോ. മീരാസാഹിബ് വീഡിയോ കോളിലൂടെ ആശംസാ സന്ദേശം നല്‍കി. എഴുത്തുകാരി കമര്‍ബാനു ടീച്ചര്‍ ആശംസകള്‍ നേര്‍ന്നു. അഷ്റഫ് ചേലേമ്പ്ര സംഘടനയുടെ ലക്ഷ്യങ്ങളും കാഴ്ചപ്പാടുകളും അവതരിപ്പിച്ചു. ഫൈസല്‍ കോട്ടയം സ്വാഗതവും ഷാജഹാന്‍ കാഞ്ഞിരപ്പള്ളി നന്ദിയും പറഞ്ഞു.
തുടര്‍ന്ന് റിയാദിലെ കലാകാരന്മാര്‍ അവതരിപ്പിച്ച ഗാനമേള, മിമിക്രി, നാടന്‍പാട്ടുകള്‍, നൃത്തങ്ങള്‍, ഡി.ജെ. പ്രഷീദിന്റെ ഡി.ജെ. എന്നിവ അരങ്ങേറി. പ്രവാസികളുടെ ക്ഷേമത്തിനും പൊതുസമൂഹത്തിനും പ്രയോജനപ്പെടുന്ന പ്രവര്‍ത്തനങ്ങളുമായി മുന്നോട്ടുപോകുമെന്ന് കൂട്ടായ്മ ഭാരവാഹികള്‍ അറിയിച്ചു.
Related News
