വെല്ലിങ്ടണ്‍: ന്യൂസിലന്‍ഡിനെതിരായ രണ്ടാം ഏകദിന ക്രിക്കറ്റ് മത്സരത്തില്‍ ടോസ് നേടിയ ഇന്ത്യ ബൗളിങ് തെരഞ്ഞെടുത്തു. മഴമൂലം ഒരു മണിക്കൂര്‍ വൈകി ആരംഭിക്കുന്ന മത്സരം 50 ഓവറില്‍നിന്ന് 47 ഓവറായി ചുരുക്കിയിട്ടുണ്ട്.
പരമ്പരയില്‍ ഏഴാം തവണയും ടോസ് ഇന്ത്യക്ക് അനുകൂലമായി വീണു. പര്യടനത്തിലെ ഏഴ് മത്സരങ്ങളില്‍ ആറിലും ഇന്ത്യക്കാണ് ടോസ് ലഭിച്ചത്. അവസാന ടി20 മത്സരത്തില്‍ മാത്രമാണ് ഇന്ത്യ ടോസ് നഷ്ടപ്പെടുത്തിയത്. അന്ന് ഇന്ത്യക്ക് മത്സരവും നഷ്ടമായിരുന്നു.
മേഘാവൃതമായ കാലാവസ്ഥയും കഴിഞ്ഞ കുറച്ചുദിവസങ്ങളായി മൂടിയിട്ടിരുന്ന പിച്ചിന്റെ അവസ്ഥയും കണക്കിലെടുത്താണ് ബൗളിങ് തിരഞ്ഞെടുക്കുന്നതെന്ന് ഇന്ത്യന്‍ നായകന്‍ ശുഭ്മാന്‍ ഗില്‍ പറഞ്ഞു. ന്യൂസിലന്‍ഡ് നായകന്‍ മിച്ചല്‍ സാന്റ്‌നറും ടോസ് സമയത്ത് ആദ്യം പന്തെറിയാന്‍ അനുയോജ്യമായ ദിവസമാണിതെന്ന് അഭിപ്രായപ്പെട്ടു.
ആദ്യ ഏകദിനത്തില്‍ കളിച്ച ടീമുകളില്‍ മാറ്റം വരുത്താതെയാണ് ഇരുടീമുകളും ഇറങ്ങുന്നത്. അതോടെ മുഹമ്മദ് സിറാജിന് പകരം ആകിബ് നബിക്ക് ഇന്ത്യ വീണ്ടും അവസരം നല്‍കി. ആദ്യ മത്സരം മഴ തടസ്സപ്പെടുത്തിയെങ്കിലും ഇന്ത്യ അഞ്ച് വിക്കറ്റിന് ജയിച്ച് പരമ്പരയില്‍ 1-0ന് മുന്നിലെത്തിയിരുന്നു.
ഇന്ത്യ: രോഹിത് ശര്‍മ, ശുഭ്മാന്‍ ഗില്‍ (ക്യാപ്റ്റന്‍), വിരാട് കോലി, ശ്രേയസ് അയ്യര്‍, അക്‌സര്‍ പട്ടേല്‍, കെ.എല്‍. രാഹുല്‍ (വിക്കറ്റ് കീപ്പര്‍), നമന്‍ ധിര്‍, അന്‍ഷുല്‍ കാംബോജ്, ആഖിബ് നബി, അര്‍ഷ്ദീപ് സിങ്, ഗുര്‍നൂര്‍ ബ്രാര്‍.
ന്യൂസിലന്‍ഡ്: വില്‍ യങ്, ടിം സെയ്‌ഫെര്‍ട്ട്, ഹെന്റി നിക്കോള്‍സ്, ഡാരില്‍ മിച്ചല്‍, ടോം ലാഥം (വിക്കറ്റ് കീപ്പര്‍), ഗ്ലെന്‍ ഫിലിപ്‌സ്, മിച്ചല്‍ സാന്റ്‌നര്‍ (ക്യാപ്റ്റന്‍), നഥാന്‍ സ്മിത്ത്, കെയ്ല്‍ ജാമിസണ്‍, ജേക്കബ് ഡഫി, ബ്ലെയര്‍ ടിക്‌നര്‍.
.jpg)
Related News
