ജിദ്ദ: നഗരത്തിലുടനീളം കനത്ത മഴ ലഭിച്ചു. വെള്ളക്കെട്ടുകള്‍ ഒഴിവാക്കുന്നതിനായി ഡ്രെയിനേജ് നെറ്റ്വര്‍ക്കുകളുടെ അറ്റകുറ്റപ്പണികള്‍ പൂര്‍ത്തിയാക്കുകയും, വാട്ടര്‍ പമ്പുകള്‍, മറ്റ് യന്ത്രസാമഗ്രികള്‍, ദുരന്തനിവാരണ ജീവനക്കാര്‍ എന്നിവരുടെ സേവനം അടിയന്തര സാഹചര്യ നേരിടാന്‍ സജ്ജമാക്കുകയും ചെയ്തിട്ടുണ്ട്.
ദേശീയ കാലാവസ്ഥാ കേന്ദ്രത്തിന്റെയും ക്രൈസിസ് ആന്‍ഡ് ഡിസാസ്റ്റര്‍ മാനേജ്മെന്റ് സെന്ററിന്റെയും മുന്നറിയിപ്പുകള്‍ നിരന്തരം നിരീക്ഷിച്ചു വരികയാണെന്ന് അധികൃതര്‍ വ്യക്തമാക്കി. കൂടാതെ ഔദ്യോഗിക ചാനലുകള്‍ വഴി പൊതുജനങ്ങള്‍ക്ക് കൃത്യമായ ജാഗ്രതാ സന്ദേശങ്ങള്‍ നല്‍കുന്നുണ്ട്.
മഴയുള്ള സമയങ്ങളില്‍ താമസക്കാരും സന്ദര്‍ശകരും ആവശ്യമായ മുന്‍കരുതലുകള്‍ സ്വീകരിക്കണമെന്ന് മുനിസിപ്പാലിറ്റി അഭ്യര്‍ത്ഥിച്ചു. വെള്ളക്കെട്ടുകള്‍ രൂപപ്പെടുന്ന സ്ഥലങ്ങളില്‍ നിന്നും താഴ്ന്ന പ്രദേശങ്ങളില്‍ നിന്നും അകന്നു നില്‍ക്കണം, വൈദ്യുത തൂണുകള്‍, ടാപ്പുകള്‍, മറ്റ് ഇലക്ട്രിക് ഉറവിടങ്ങള്‍ എന്നിവയില്‍ സ്പര്‍ശിക്കുന്നത് ഒഴിവാക്കുക.
മഴയെത്തുടര്‍ന്നുണ്ടാകുന്ന അടിയന്തര സാഹചര്യങ്ങളോ അപകടങ്ങളോ ശ്രദ്ധയില്‍പ്പെട്ടാല്‍ 940 എന്ന ഏകീകൃത നമ്പറിലോ 'ബലദി' ആപ്പ് വഴിയോ ഉടന്‍ റിപ്പോര്‍ട്ട് ചെയ്യുക.
.jpg)
Related News
