റിയാദ്: ഡിഫന്‍സ് ഇന്റര്‍നാഷണല്‍ മാര്‍ഷല്‍ ആര്‍ട്‌സ് അക്കാദമിയുടെ നേതൃത്വത്തില്‍ റിയാദിലെ അല്‍ മദീന ഹൈപ്പര്‍മാര്‍ക്കറ്റ് ഓഡിറ്റോറിയത്തില്‍ ഗ്രേഡിംഗ് ടെസ്റ്റ് സംഘടിപ്പിച്ചു. മാധ്യമപ്രവര്‍ത്തകന്‍ ഷംനാദ് കരുനാഗപ്പള്ളി പരിപാടി ഉദ്ഘാടനം ചെയ്തു. വിവിധ പ്രായത്തിലുള്ള കുട്ടികള്‍ പങ്കെടുത്ത ഗ്രേഡിംഗ് ടെസ്റ്റില്‍, പരിശീലനത്തിലൂടെ നേടിയെടുത്ത സ്വയംപ്രതിരോധ കഴിവുകളും മാര്‍ഷല്‍ ആര്‍ട്‌സ് മികവുകളും അവര്‍ പ്രകടിപ്പിച്ചു.
കുട്ടികളില്‍ ആത്മവിശ്വാസം, അച്ചടക്കം, ഏകാഗ്രത, സ്വയംപ്രതിരോധശേഷി എന്നിവ വളര്‍ത്തിയെടുക്കുക എന്ന ലക്ഷ്യത്തോടെയാണ് അക്കാദമി പരിശീലന പരിപാടികള്‍ സംഘടിപ്പിക്കുന്നത്. പരിശീലനത്തിന്റെ ഭാഗമായി കുട്ടികള്‍ നേടിയ കഴിവുകള്‍ വിലയിരുത്തുന്നതിനും തുടര്‍പരിശീലനത്തിന് പ്രോത്സാഹനം നല്‍കുന്നതിനുമാണ് ഗ്രേഡിംഗ് ടെസ്റ്റ് സംഘടിപ്പിച്ചത്.
മാര്‍ഷല്‍ ആര്‍ട്‌സ് പരിശീലനം കുട്ടികളുടെ ശാരീരികക്ഷമത വര്‍ധിപ്പിക്കുന്നതിനൊപ്പം മാനസിക കരുത്തും ആത്മവിശ്വാസവും വളര്‍ത്തുന്നതില്‍ പ്രധാന പങ്കുവഹിക്കുന്നതായി ഉദ്ഘാടന പ്രസംഗത്തില്‍ ഷംനാദ് കരുനാഗപ്പള്ളി അഭിപ്രായപ്പെട്ടു. പഠനത്തോടൊപ്പം ഇത്തരം പരിശീലനങ്ങള്‍ക്കും പ്രാധാന്യം നല്‍കണമെന്നും കുട്ടികളുടെ കഴിവുകള്‍ കണ്ടെത്തി പ്രോത്സാഹിപ്പിക്കുന്നതില്‍ രക്ഷിതാക്കളുടെ പങ്ക് ഏറെ വലുതാണെന്നും അദ്ദേഹം പറഞ്ഞു.
ഡിഫന്‍സ് ഇന്റര്‍നാഷണല്‍ അക്കാദമിയുടെ സ്ഥാപകനും ഗ്രാന്‍ഡ്മാസ്റ്ററുമായ അഞ്ജൂ ജി ഓണ്‍ലൈനിലൂടെ പരിപാടിയില്‍ പങ്കെടുത്ത് വിദ്യാര്‍ത്ഥികളെ അഭിസംബോധന ചെയ്തു. മാസ്റ്റര്‍ ദീപു, മാസ്റ്റര്‍ രഞ്ജിത്ത് എന്നിവരുടെ നേതൃത്വത്തില്‍ നടന്ന ഗ്രേഡിംഗ് ടെസ്റ്റില്‍ കുട്ടികള്‍ വിവിധ മാര്‍ഷല്‍ ആര്‍ട്‌സ് പരിശീലനമുറകളും സ്വയംപ്രതിരോധ വിദ്യകളും അവതരിപ്പിച്ചു. കുട്ടികളുടെ പ്രകടനങ്ങള്‍ക്ക് രക്ഷിതാക്കളുടെയും പരിശീലകരുടെയും വലിയ പ്രോത്സാഹനം
ഡിഫന്‍സ് ഇന്റര്‍നാഷണല്‍ അക്കാദമി കുടുംബാംഗങ്ങളായ നീതു, ദീപു, സാമുവല്‍, കനക, സുജ ബിനോയ്, അനീഷ്, സുരേന്ദ്രന്‍, മാധവന്‍, സാബു, ബിനീഷ്, രാജേഷ്, ജിജിന്‍, തോമസ് തുടങ്ങിയവര്‍ ചടങ്ങില്‍ സന്നിഹിതരായിരുന്നു. പരിശീലകരും രക്ഷിതാക്കളും അക്കാദമി അംഗങ്ങളും പരിപാടിയില്‍ സജീവമായി പങ്കെടുത്തു.
.jpg)
