അബഹ: അസീറിലെ മഹായില്‍, നജ്‌റാന്‍ ഗവര്‍ണറേറ്റുകളിലെ മുന്‍ വിദ്യാഭ്യാസ ഡയറക്ടറായിരുന്ന മന്‍സൂര്‍ അല്‍-ഷുറൈം വെള്ളിയാഴ്ച പുലര്‍ച്ചെ അന്തരിച്ചു. മകനും അഭിഭാഷകനുമായ അബ്ദുള്ള ബിന്‍ മന്‍സൂര്‍ അല്‍-ഷുറൈമിന്റെ വിവാഹച്ചടങ്ങുകള്‍ നടക്കുന്നതിന് ഏതാനും മണിക്കൂറുകള്‍ മാത്രം ബാക്കിനില്‍ക്കെയായിരുന്നു അദ്ദേഹത്തിന്റെ അപ്രതീക്ഷിത വേര്‍പാട്.
നവംബര്‍ 6 വെള്ളിയാഴ്ച ഉച്ചയ്ക്ക് അബഹയിലെ ഗ്രാന്റ് ഹാളില്‍ ബന്ധുക്കളുടെയും സുഹൃത്തുക്കളുടെയും സാന്നിധ്യത്തില്‍ ആഘോഷമായി നടക്കേണ്ടിയിരുന്ന വിവാഹച്ചടങ്ങുകളാണ് പെട്ടെന്നുണ്ടായ വിയോഗ വാര്‍ത്തയെ തുടര്‍ന്ന് ദുഃഖത്തിലാണ്ടത്.
അല്‍-ഷുറൈമിന്റെ വിയോഗത്തില്‍ വിദ്യാഭ്യാസ സാമൂഹിക രംഗത്തെ പ്രമുഖരും ബന്ധുമിത്രാദികളും അനുശോചനം രേഖപ്പെടുത്തി. വിദ്യാഭ്യാസ മേഖലയ്ക്ക് അദ്ദേഹം നല്‍കിയ സംഭാവനകളെ സഹപ്രവര്‍ത്തകരും പൊതുജനങ്ങളും അനുസ്മരിച്ചു. അബഹയില്‍ വെച്ച് കുടുംബാംഗങ്ങള്‍ അനുശോചനങ്ങള്‍ ഏറ്റുവാങ്ങി.
.jpg)
Related News
