​
​റിയാദ്: എം.ഇ.എസ് റിയാദ് ചാപ്റ്റർ ലേഡീസ് വിങ്ങിന്റെ പുതിയ നേതൃത്വം നിലവിൽ വന്നു. സംഘടനയുടെ പ്രവർത്തനങ്ങൾക്ക് പുതുഊർജം പകരുന്നതിനും സ്ത്രീകളുടെയും കുട്ടികളുടെയും സാമൂഹിക, സാംസ്കാരിക, വിദ്യാഭ്യാസ മേഖലകളിലെ പങ്കാളിത്തം കൂടുതൽ ശക്തിപ്പെടുത്തുന്നതിനുമാണ് പുതിയ ഭാരവാഹികളെ തെരഞ്ഞെടുത്തത്.

​പ്രധാന ഭാരവാഹികൾ:
​ഷെർമി നവാസ് (പ്രസിഡന്റ്)
​ഫെബീന നിസാർ (ജനറൽ സെക്രട്ടറി)
​ഫാത്തിമ ഷഫീക് (ട്രഷറർ)
​ഷീബ ഫൈസൽ, സുമയ്യ അമീർ (വൈസ് പ്രസിഡന്റുമാർ)
​ഹസ്ന ഷമീം, ലുലു സുഹാസ് (ജോയിന്റ് സെക്രട്ടറിമാർ)
​ഉപദേശക സമിതിയും രക്ഷാധികാരിയും:
​സെൽവ അയ്ദീദ്, നജ്മ നിസാർ (അഡ്വൈസറി ബോർഡ് അംഗങ്ങൾ)
​ബീവി കോയ (ചീഫ് പാട്രൺ)

​പുതിയ ആശയങ്ങളും നൂതന പ്രവർത്തനരീതികളും ഉൾപ്പെടുത്തി ലേഡീസ് വിങ്ങിന്റെ പ്രവർത്തനങ്ങൾ കൂടുതൽ വിപുലീകരിക്കാൻ യോഗം തീരുമാനിച്ചു. സ്ത്രീകളുടെയും കുട്ടികളുടെയും കഴിവുകൾ പരിപോഷിപ്പിക്കുന്നതിനൊപ്പം സാമൂഹിക കൂട്ടായ്മകൾ, ബോധവൽക്കരണ പരിപാടികൾ, സാംസ്കാരിക പ്രവർത്തനങ്ങൾ എന്നിവയ്ക്കും സംഘടന മുൻഗണന നൽകും.

​എം.ഇ.എസ് റിയാദ് ചാപ്റ്ററിനെ പ്രതിനിധീകരിച്ച് നവാസ് റഷീദ്, ഫൈസൽ പൂനൂർ എന്നിവർ യോഗത്തിൽ പങ്കെടുത്തു.