l o a d i n g

ഇന്ത്യ

യു.പി: കോണ്‍ഗ്രസ്-എസ്.പി ചര്‍ച്ചയില്‍ തുടക്കത്തിലേ കല്ലുകടി

Thumbnail
Publisher By     Staff Reporter
November 17, 2026


ലഖ്‌നൗ: 2027ല്‍ നടക്കാനിരിക്കുന്ന ഉത്തര്‍പ്രദേശ് നിയമസഭാ തെരഞ്ഞെടുപ്പില്‍ സമാജ്‌വാദി പാര്‍ട്ടിയുമായുള്ള (എസ്പി) സീറ്റ് വിഭജന ചര്‍ച്ചകള്‍ക്ക് മുന്നോടിയായി കോണ്‍ഗ്രസ് നേതൃത്വം തന്ത്രങ്ങള്‍ ആവിഷ്‌കരിച്ചു. സംസ്ഥാനത്തെ 403 നിയമസഭാ സീറ്റുകളില്‍ 100ലധികം സീറ്റുകളില്‍ മത്സരിക്കണമെന്ന നിലപാടിലാണ് കോണ്‍ഗ്രസ്. 100ല്‍ താഴെ സീറ്റുകള്‍ക്ക് വിട്ടുവീഴ്ചയുണ്ടാകില്ലെന്നാണ് പാര്‍ട്ടി നേതൃത്വത്തിന്റെ സൂചന. കോണ്‍ഗ്രസ് 180 സീറ്റുകള്‍ ആവശ്യപ്പെട്ടതായി എസ്.പി നേതാവ് അഖിലേഷ് യാദവ് പരസ്യമായി വെളിപ്പെടുത്തിയതില്‍ പാര്‍ട്ടി നേതൃത്വത്തിന് അമര്‍ഷമുണ്ട്.

കോണ്‍ഗ്രസ് ദേശീയ അധ്യക്ഷന്‍ മല്ലികാര്‍ജുന്‍ ഖാര്‍ഗെയുടെ നേതൃത്വത്തില്‍ ഡല്‍ഹിയില്‍ ചേര്‍ന്ന യോഗത്തില്‍ ലോക്‌സഭാ പ്രതിപക്ഷ നേതാവ് രാഹുല്‍ ഗാന്ധി, പ്രിയങ്ക ഗാന്ധി, എഐസിസി ജനറല്‍ സെക്രട്ടറി കെ.സി. വേണുഗോപാല്‍, യുപിയുടെ ചുമതലയുള്ള രാജേന്ദ്ര പാല്‍ ഗൗതം, സംസ്ഥാന അധ്യക്ഷ ആര്‍ധന മിശ്ര തുടങ്ങിയവര്‍ പങ്കെടുത്തു. തെരഞ്ഞെടുപ്പ് തന്ത്രങ്ങള്‍, പ്രചാരണം, സംഘടനാ സംവിധാനങ്ങളുടെ രൂപീകരണം എന്നിവ യോഗം ചര്‍ച്ച ചെയ്തു.

കോണ്‍ഗ്രസ് 181 സീറ്റുകള്‍ ആവശ്യപ്പെട്ടതായി എസ്പി അധ്യക്ഷന്‍ അഖിലേഷ് യാദവ് വെളിപ്പെടുത്തിയിരുന്നു. ഇത്രയും സീറ്റുകള്‍ നല്‍കാന്‍ എസ്പി തയ്യാറല്ലെന്നാണ് സൂചന. സീറ്റ് വിഭജനം സംബന്ധിച്ച ഔദ്യോഗിക ചര്‍ച്ച ഇന്ന് ഖാര്‍ഗെയുടെ വസതിയില്‍ നടക്കുമെന്നാണ് പ്രതീക്ഷ. സീറ്റുകള്‍ തീരുമാനിക്കുമ്പോള്‍ വിജയസാധ്യതയ്ക്കായിരിക്കും മുന്‍ഗണനയെന്ന് എസ്പി വ്യക്തമാക്കിയിട്ടുണ്ട്.

റായ്ബറേലി, അമേഠി എന്നിവിടങ്ങളിലെ പത്ത് നിയമസഭാ മണ്ഡലങ്ങളിലും മത്സരിക്കാന്‍ കോണ്‍ഗ്രസിന് താല്‍പര്യമുണ്ട്. റായ്ബറേലി, സഹാരന്‍പൂര്‍ ദേഹാത്, ബെഹത്, നിസാമാബാദ്, മുറാദാബാദ് തുടങ്ങിയ എസ്പിയുടെ സിറ്റിങ് സീറ്റുകളിലും കോണ്‍ഗ്രസ് കണ്ണുവെക്കുന്നുണ്ട്.

നവംബര്‍ 26ന് ലഖ്‌നൗവില്‍ ഭരണഘടനാ ദിനത്തോടനുബന്ധിച്ച് പൊതുയോഗം സംഘടിപ്പിക്കാനും ഡിസംബര്‍ ആദ്യവാരം മുതല്‍ സംസ്ഥാനവ്യാപകമായി യാത്രകളും പൊതുയോഗങ്ങളും ഉള്‍പ്പെടുന്ന പ്രചാരണം ആരംഭിക്കാനും കോണ്‍ഗ്രസ് പദ്ധതിയിടുന്നു. സ്വന്തം പ്രകടനപത്രികയും പാര്‍ട്ടി പുറത്തിറക്കും.

ഉത്തരാഖണ്ഡ് നിയമസഭാ തെരഞ്ഞെടുപ്പിലും മത്സരിക്കാന്‍ എസ്പി നീക്കം നടത്തുന്നുണ്ട്. സംസ്ഥാനത്തെ 70 സീറ്റുകളില്‍ 15 എണ്ണം മത്സരത്തിനായി പാര്‍ട്ടി തിരിച്ചറിഞ്ഞിട്ടുണ്ട്. ഡെറാഡൂണ്‍, ഹരിദ്വാര്‍ സമതല മേഖലകളിലാണ് ഇവയില്‍ ഭൂരിഭാഗവും. കോണ്‍ഗ്രസുമായി സഖ്യമുണ്ടാക്കണോ അതോ ഒറ്റയ്ക്ക് മത്സരിക്കണോ എന്ന കാര്യത്തില്‍ അഖിലേഷ് യാദവ് തീരുമാനമെടുക്കും.

2022ലെ ഉത്തരാഖണ്ഡ് നിയമസഭാ തെരഞ്ഞെടുപ്പില്‍ 55 സീറ്റുകളില്‍ മത്സരിച്ച എസ്പിക്ക് ഒരു സീറ്റില്‍പ്പോലും വിജയിക്കാനായിരുന്നില്ല. ബിജെപി 47 സീറ്റുകളുമായി അധികാരത്തിലെത്തിയപ്പോള്‍ കോണ്‍ഗ്രസിന് 19 സീറ്റുകള്‍ ലഭിച്ചു.

Latest News

ജിദ്ദയിൽ പുതിയ വനിതാ കൂട്ടായ്മ  - 'ഷീ സർക്കിൾ കമ്മ്യൂണിറ്റി'
ജിദ്ദയിൽ പുതിയ വനിതാ കൂട്ടായ്മ - 'ഷീ സർക്കിൾ കമ്മ്യൂണിറ്റി'
November 17, 2026
ദേബ്രിഗഢ്; വനവും തടാകവും  ചേരുന്ന പ്രകൃതിവിസ്മയം
ദേബ്രിഗഢ്; വനവും തടാകവും ചേരുന്ന പ്രകൃതിവിസ്മയം
November 17, 2026
ജിദ്ദയില്‍ 100 കോടി റിയാലിന്റെ  വമ്പന്‍ മിക്‌സഡ്-യൂസ് പദ്ധതിയുമായി ഡാര്‍ ഗ്ലോബല്‍
ജിദ്ദയില്‍ 100 കോടി റിയാലിന്റെ വമ്പന്‍ മിക്‌സഡ്-യൂസ് പദ്ധതിയുമായി ഡാര്‍ ഗ്ലോബല്‍
November 17, 2026
ജീവനോടെ പുറത്തുവരില്ല, ജയിലില്‍ നിന്ന് ഇംറാന്‍ ഖാന്റെ കത്ത്
ജീവനോടെ പുറത്തുവരില്ല, ജയിലില്‍ നിന്ന് ഇംറാന്‍ ഖാന്റെ കത്ത്
November 17, 2026
 ആ ഗ്രീക്ക് റസ്റ്ററന്റില്‍ ഞാനും കാമുകിയും പോയി, ഓര്‍മകള്‍ അയവിറക്കി രാഹുല്‍ ഗാന്ധി; ആ കാമുകി എവിടെ?
ആ ഗ്രീക്ക് റസ്റ്ററന്റില്‍ ഞാനും കാമുകിയും പോയി, ഓര്‍മകള്‍ അയവിറക്കി രാഹുല്‍ ഗാന്ധി; ആ കാമുകി എവിടെ?
November 17, 2026
അമേരിക്കയില്‍ പ്രമുഖ ബാങ്കുകളുടെ  സേവനങ്ങള്‍ മുടങ്ങി
അമേരിക്കയില്‍ പ്രമുഖ ബാങ്കുകളുടെ സേവനങ്ങള്‍ മുടങ്ങി
November 17, 2026
യു.പി: കോണ്‍ഗ്രസ്-എസ്.പി ചര്‍ച്ചയില്‍ തുടക്കത്തിലേ കല്ലുകടി
യു.പി: കോണ്‍ഗ്രസ്-എസ്.പി ചര്‍ച്ചയില്‍ തുടക്കത്തിലേ കല്ലുകടി
November 17, 2026
ബംഗാളില്‍ ബി.ജെ.പിക്കാര്‍ പരസ്പരം തല്ലുന്നു  -തുറന്നു പറഞ്ഞ് കേന്ദ്രമന്ത്രി
ബംഗാളില്‍ ബി.ജെ.പിക്കാര്‍ പരസ്പരം തല്ലുന്നു -തുറന്നു പറഞ്ഞ് കേന്ദ്രമന്ത്രി
November 17, 2026
വിമാന ഇന്ധനത്തിന്റെ കയറ്റുമതി തീരുവ കൂട്ടി
വിമാന ഇന്ധനത്തിന്റെ കയറ്റുമതി തീരുവ കൂട്ടി
November 17, 2026
'കൊണ്ടോട്ടി നെക്സ്റ്റ് വിഷന്‍ 2040 വികസന കോണ്‍ക്ലേവ്' മന്ത്രി പി.കെ കുഞ്ഞാലിക്കുട്ടി ഉദ്ഘാടനം ചെയ്തു
'കൊണ്ടോട്ടി നെക്സ്റ്റ് വിഷന്‍ 2040 വികസന കോണ്‍ക്ലേവ്' മന്ത്രി പി.കെ കുഞ്ഞാലിക്കുട്ടി ഉദ്ഘാടനം ചെയ്തു
November 16, 2026