ജിദ്ദ: ജിദ്ദയിലെ ഇന്ത്യന് കോണ്സല് ജനറല് ഫഹദ് അഹമ്മദ് ഖാന് സൂരി, തായിഫ് ഗവര്ണര് ഫവാസ് ബിന് സുല്ത്താന് ബിന് അബ്ദുല് അസീസ് അല് സൗദ് രാജകുമാരനുമായി ബുധനാഴ്ച കൂടിക്കാഴ്ച നടത്തി.
തായിഫിലെ ഇന്ത്യന് പ്രവാസി സമൂഹത്തിന്റെ ക്ഷേമം, വിവിധ മേഖലകളില് ഇരുരാജ്യങ്ങളും തമ്മിലുള്ള ഉഭയകക്ഷി സഹകരണം ശക്തിപ്പെടുത്തുന്നതിനുള്ള സാധ്യതകള് തുടങ്ങി പരസ്പര താല്പ്പര്യമുള്ള വിവിധ വിഷയങ്ങള് കൂടിക്കാഴ്ചയില് ചര്ച്ചയായി.
കോണ്സുലാര് അധികാരപരിധിയിലുള്ള പ്രാദേശിക ഭരണകൂടങ്ങളുമായുള്ള ബന്ധം ദൃഢമാക്കുന്നതിന്റെയും സ്ഥാപനപരമായ സഹകരണം വര്ധിപ്പിക്കുന്നതിന്റെയും ഭാഗമായി കോണ്സുലേറ്റ് നടത്തിവരുന്ന ഇടപെടലുകളുടെ ഭാഗമായാണ് കൂടിക്കാഴ്ച നടന്നത്.
Related News