റിയാദ്: സൗദി അറേബ്യയില് ശൈത്യകാലം ആരംഭിക്കാന് ഇനി ഒമ്പത് ദിവസങ്ങള് മാത്രമാണ് അവശേഷിക്കുന്നതെന്ന് ദേശീയ കാലാവസ്ഥാ നിരീക്ഷണ കേന്ദ്രത്തിന്റെ ഔദ്യോഗിക വക്താവ് ഹുസൈന് അല് ഖഹ്താനി അറിയിച്ചു. മുന് വര്ഷങ്ങളില് രാജ്യത്തിന്റെ വിവിധ ഭാഗങ്ങളില് ദൃശ്യമായ അസാധാരണമായ ശൈത്യകാല കാഴ്ചകളും അപൂര്വ്വ കാലാവസ്ഥാ പ്രതിഭാസങ്ങളും ഈ സീസണിലും ആവര്ത്തിക്കാന് സാധ്യതയുണ്ടെന്ന് അദ്ദേഹം വ്യക്തമാക്കി.
രാജ്യത്തിന്റെ ഭൂമിശാസ്ത്രപരമായ വൈവിധ്യവും വിവിധ പ്രദേശങ്ങളില് അനുഭവപ്പെടുന്ന കാലാവസ്ഥാ വ്യതിയാനങ്ങളും എടുത്തുകാണിക്കുന്ന മനോഹരമായ ചിത്രങ്ങള് പകര്ത്താന് ഫോട്ടോഗ്രാഫര്മാര് തയ്യാറെടുക്കണമെന്ന് അദ്ദേഹം എക്സ് പ്ലാറ്റ്ഫോമിലൂടെ ആഹ്വാനം ചെയ്തു. 2020-ലെ ശൈത്യകാലത്ത് ഫോട്ടോഗ്രാഫര് ഫവാസ് അല് ഹര്ബി പകര്ത്തിയ മരുഭൂമിയിലെ കപ്പലായ ഒട്ടകത്തെയും മഞ്ഞിന്റെ വെണ്മയെയും ഒന്നിപ്പിക്കുന്ന പ്രശസ്തമായ ചിത്രം അല് ഖഹ്താനി അനുസ്മരിച്ചു. സൗദിയിലെ കാലാവസ്ഥാ മാറ്റങ്ങളെക്കുറിച്ച് അന്താരാഷ്ട്ര മാധ്യമങ്ങളില്പോലും വലിയ ശ്രദ്ധ നേടിയ ആ ചിത്രം നിരവധി ആളുകളെ ആകര്ഷിച്ചിരുന്നുവെന്നും അദ്ദേഹം കൂട്ടിച്ചേര്ത്തു.
Related News