അല്‍ ഹസ : 22 വര്‍ഷം സൗദി അല്‍ ഹസയില്‍ പ്രവാസിയായിരുന്നു സി.കെ അബ്ദുല്‍ ഗഫൂര്‍ (60) നാട്ടില്‍ വാഹനാപകടത്തില്‍ മരിച്ചു. ശനിയാഴ്ച്ച സുബ്ഹി നമസ്‌ക്കാരത്തിന് പള്ളിയിലേക്ക് ബൈക്കില്‍ പോകവേ റോഡില്‍ നിറുത്തിയിട്ടിരുന്ന പിക്കപ്പിനിടിച്ചാണ് അപകടം സംഭവിച്ചത്. വെസ്റ്റ് ചേന്ദമംഗല്ലൂര്‍ മസ്ജിദുല്‍ ഫാറൂഖ് മഹല്ല് കമ്മിറ്റി പ്രസിഡണ്ടും കുറ്റിക്കാട്ടൂര്‍, മണാശ്ശേരി എന്നിവിടങ്ങളിലെ മലബാര്‍ ഫര്‍ണിച്ചര്‍ ഉടമയുമാണ്. പ്രവാസം അവസാനിപ്പിച്ച ശേഷം നാട്ടിലെ മത-സാമൂഹിക-രാഷ്ട്രീയ രംഗങ്ങളില്‍ സജീവ സാന്നിധ്യമായിരുന്നു. മുക്കം നഗരസഭ വെസ്റ്റ് ചേന്ദമംഗല്ലൂര്‍ ഡിവിഷന്‍ കൗണ്‍സിലര്‍ റംല ഗഫൂര്‍ സഹധര്‍മ്മിണിയാണ്.
മക്കള്‍: റിംഷാദ് സി കെ (ലേ മലബാര്‍ ഫര്‍ണിച്ചര്‍ മണാശ്ശേരി), റുഷ്ദാന്‍ സി കെ , റജിലാ ബാനു , റജ്‌ന മോള്‍. മരുമക്കള്‍ : സലിം അരയങ്കോട്, റിയാസ് കൊടിയത്തൂര്‍, ഫാത്തിമ നിദ (കൊടുവള്ളി), റിഫ ഷെറിന്‍ (കാപ്പാട്). സഹോദരങ്ങള്‍: ഇബ്രാഹിംകുട്ടി (ഖത്തര്‍) , മുഹമ്മദ് കുട്ടി (ദോഹ ട്രാവല്‍സ്) , അബ്ദുല്ലത്തീഫ് (ഖത്തര്‍), സുബൈദ (കാരശ്ശേരി ) , ഖൈറുന്നിസ ( ഒതായി ). ഖബറടക്കം വെസ്റ്റ് ചേന്ദമംഗലൂര്‍ ഫാറൂഖ് പള്ളിയില്‍ ഇന്ന് രാത്രി എട്ടു മണിക്ക് നടക്കും.