റിയാദ്: പ്രവാസി മലയാളികളുടെ സാംസ്കാരിക സംഘടനയായ ''വി ദ പീപ്പിള്'' (We The People) ഒന്നാം വാര്ഷികം, സാഹിത്യസദസ്, കേരളപ്പിറവി ദിനാഘോഷം എന്നിവ മാലാസിലെ അല്മാസ് ഓഡിറ്റോറിയത്തില് സംഘടിപ്പിച്ചു. സലിം പള്ളിയിലിന്റെ അധ്യക്ഷതയില് നടന്ന പരിപാടി സാഹിത്യകാരന് ജോസഫ് അതിരുങ്കല് ഉദ്ഘാടനം നിര്വഹിച്ചു.
ചടങ്ങില് സബീന എം. സാലി, നിഖില സമീര്, കമര്ബാനു അബ്ദുല്സലാം, ഡോ. ജയചന്ദ്രന്, ജോസഫ് അതിരുങ്കല് എന്നിവര് സാഹിത്യാനുഭവങ്ങള് പങ്കുവെച്ചു. സാഹിത്യകാരന്മാരെ ഷീബ ഫൈസല്, ഷൈനി നൗഷാദ്, ഷംനാദ് കരുനാഗപ്പള്ളി, സലിം പള്ളിയില് എന്നിവര് സദസ്സിന് പരിചയപ്പെടുത്തി.
'പ്രവാസിയും കേരളവും' എന്ന വിഷയത്തില് ബിനുശങ്കരന്, ഷകീബ് കൊളക്കാടന്, സുധീര് കുമ്മിള്, സജീവ് കുമാര്, റാഫി പാങ്ങോട്, ഷിഹാബ് കൊട്ടുകാട്, നസറുദ്ദീന് വി.ജെ., ഇലിയാസ് പാണ്ടിക്കാട് എന്നിവര് പ്രഭാഷണം നടത്തി. ഗഫൂര് കൊയിലാണ്ടി, നിഹാസ് പാനൂര്, അസീസ് കടലുണ്ടി, ഷാജി മഠത്തില്, മജീദ് മൈത്രി എന്നിവര് അവരുടെ പ്രവാസാനുഭവങ്ങള് പങ്കുവെച്ചു.
വിദ്യാര്ത്ഥി ഗൗതം സജീവ് അവതരിപ്പിച്ച പ്രഭാഷണം സദസ്സിന്റെ ശ്രദ്ധനേടി. രാജീവ് സാഹിബ് അവതരിപ്പിച്ച കേരള ക്വിസ് പരിപാടിയും ഏറെ ശ്രദ്ധേയമായി.സാഹിത്യകാരന്മാരെ ഷിഹാബ് കൊട്ടുകാട് പൊന്നാട അണിയിച്ച് ആദരിച്ചു.
ഷംനാദ് കരുനാഗപ്പള്ളി സ്വാഗതവും ഷാജി കുന്നിയോട് നന്ദിയും പറഞ്ഞു. പരിപാടികള്ക്ക് മുഹമ്മദ് ഖാന്, ദേവദാസ് ഭരതന്, വിഷ്ണു, ഷാനവാസ്, സജീവ് വള്ളികുന്നം, നവാസ് റഷീദ്, അബ്ദുല് സലാം, ബിനുശങ്കരന് എന്നിവര് നേതൃത്വം നല്കി.
.jpg)
Related News
