ജിദ്ദ: പത്തനംതിട്ട ജില്ലാ സംഗമത്തിന്റെ കുട്ടികളുടെ വിഭാഗമായ പത്തനംതിട്ട ജില്ലാ ബാലജന സംഗമം (പിജെബിസ്) ശിശുദിനാഘോഷം ലക്കി ദര്ബാര് ഹോട്ടലില് വിപുലമായ പരിപാടികളോടുകൂടി നടത്തി. ബാലജന സംഗമം പ്രസിഡന്റ് സെറ വര്ഗീസിന്റെ അധ്യക്ഷതയില് കൂടിയ യോഗം പിജെഎസ് പ്രസിഡന്റ് അയൂബ് ഖാന് പന്തളം ഉദ്ഘാടനം നിര്വഹിച്ചു. അഹദാബ് ഇന്റര്നാഷണല് സ്കൂള് പ്രിന്സിപ്പലും, മെന്റര് ക്രൂ ട്രൈനിംഗ് അക്കാദമിയുടെ ഡയറക്റ്ററുമായ അന്വര് ഷാജ വേങ്ങശ്ശേരി മുഖ്യാതിഥി ആയിരുന്നു. പിജെഎസ് രക്ഷാധികാരി സന്തോഷ് നായര്, വൈസ് പ്രസിഡന്റ് അഡ്മിന് മാത്യു തോമസ്, വൈസ് പ്രസിഡന്റ് അക്റ്റിവിറ്റി അനില് കുമാര്, വൈഷ്ണവി വിനോദ് എന്നിവര് ആശംസകള് നേര്ന്നു.
ഡ്രോയിങ്ങ്, കളറിംഗ് മത്സരങ്ങളും, സംഘ ഗാനം, ദേശഭക്തി ഗാനം, ടാബ്ലോ തുടങ്ങി കുട്ടികളുടെ വിവിധ കലാ പരിപാടികള് അവതരിപ്പിച്ചു. ജോവന്ന ജോണ്, ആബേല് ബൈജു, ശിവാനി വിനോദ്, ഓസ്റ്റിന് എബി, ഏദന് മനോജ്, ഇവാനിയ ജോര്ജ്, നിവേദ് അനില് കുമാര്, അമേലിയ ജോര്ജ്, നിവേദ്യാ അനില് കുമാര്, ജൊവാന് ജെനി, ശ്രെയ ജോസഫ്, ഹന്ന ഷിജോയ്, നുഹയാ നജീബ്, ഇവാന ആന് ജോസഫ്, ജോവാന സതീഷ്, ജറോം,വിനായക്, അനിഷ്ക ഷാലു, ഗ്ലാഡിസ് എബി എന്നിവര് വിവിധ പരിപാടികള് അവതരിപ്പിക്കുകയും, പരിപാടികള്ക്ക് നേതൃത്വം നല്കുകയും ചെയ്തു.
ചില്ഡ്രന്സ് വിംഗ് കണ്വീനര് ജോസഫ് വര്ഗീസ് പരിപാടിയുടെ കോര്ഡിനേറ്റര് ആയിരുന്നു. ബാലജന സംഗമം ജനറല് സെക്രട്ടറി ബെനീറ്റ ആന് ജോസഫ് വാര്ഷിക റിപ്പോര്ട്ട് അവതരിപ്പിച്ചു. ആരോണ് എബി സ്വാഗതവും, അക്ഷല് ഷാലു നന്ദിയും പറഞ്ഞു. മൗറീന് അബീഷ് അവതാരികയായിരുന്നു. എന് ഐ ജോസഫ്, ജയന് നായര് എന്നിവര് സമ്മാനവിതരണത്തിനു നേതൃത്വം നല്കി. വര്ഗീസ് ഡാനിയല്, ഷറഫ് പത്തനംതിട്ട, ജിയ അബീഷ്, ജോര്ജ് ഓമല്ലൂര് എന്നിവര് വിവിധ കലാപരിപാടികള് ചിട്ടപ്പെടുത്തി. അധ്യാപികമാരായ യമുന വേണു, ലിയ ജനി, കൂടാതെ വിലാസ് കുറുപ്പ്, മനോജ് മാത്യു, ദിലീപ് ഇസ്മായില്, രഞ്ജിത് മോഹന്, സുശീല ജോസഫ്, ദീപിക സന്തോഷ്, എന്നിവര് വിവിധ മത്സരങ്ങള്ക്ക് വിധി കര്ത്താക്കള് ആയിരുന്നു.
പിജെബിസ് ശിശുദിനാഘോഷത്തിന്റെ മുഖ്യതിഥി അന്വര് ഷാ വേങ്ങശ്ശേരിക്ക് പത്തനംതിട്ട ജില്ലാ സംഗമത്തിന്റെ ഉപഹാരം പ്രസിഡന്റ് അയൂബ് ഖാന് കൈമാറി, പിജെസ് ഭാരവാഹികളും, വനിതാ വിഭാഗം ഭാരവാഹികളും പിജെബിസ് ഭാരവാഹികളും പങ്കെടുത്തു.
.jpg)
