റിയാദ്: പ്രബുദ്ധരായ പ്രബോധകരെ വാര്‍ത്തെടുക്കുക എന്ന ലക്ഷ്യത്തോടെ റിയാദില്‍ ആരംഭിച്ച ലവ് ദ ഖുര്‍ആന്‍ മാസ്റ്റഴ്‌സ് ക്ലബ്ബിന്റെ ഇരുപത്തിയൊന്നാമത്തെ ക്ലബായ അബുദാബി ക്ലബ്ബിന്റെ ഉദ്ഘാടനം അല്‍ ഹിക്ക്മാ മസ്ജിദ്, തൃക്കാക്കര ഖത്തീബ് ഇബ്രാഹിം ഫൈസി ഉദ്ഘാടനം നിര്‍വഹിച്ചു. ഉദ്ഘാടനത്തോടനുബന്ധിച്ച് ക്ലബ്ബില്‍ ജോയിന്‍ ചെയ്തവരുടെ ഐസ് ബേക്കിംഗ് സ്പീച്ച് ഫെസ്റ്റും നടത്തി. ക്ലബ്ബിലേക്ക് പുതുതായി കടന്നുവരുന്ന മാസ്റ്റേഴ്‌സ് അവരെ സ്വയം പരിചയപ്പെടുത്തുന്ന സ്പീച്ച് ആണ് ഐസ് ബ്രേക്കിംഗ് സ്പീച്ച്. നാലു മിനിറ്റില്‍ കുറയാതെ ആറ് മിനിറ്റില്‍ കവിയാതെയാണ് ഈ സ്പീച്ച് അവതരിപ്പിക്കേണ്ടത്.

മറ്റു ക്ലബ്ബുകളിലെ പഠിതാക്കളാണ് ഈ സ്പീച്ചുകള്‍ എല്ലാം ഇവാലുവേറ്റ് ചെയ്തത്. അന്‍ഷിത നിലമ്പൂര്‍ ഇവന്‍ ചെയറായി വന്ന ഈ പ്രോഗ്രാമില്‍ ആശംസകള്‍ അര്‍പ്പിച്ചുകൊണ്ട് ഗ്ലോബല്‍ ഡയറക്ടര്‍ ലൈല വണ്ടൂരും, ക്ലബ് ഡയറക്ടര്‍ നദീറ ഹാരിസും സംസാരിച്ചു. ഫാത്തിമ സനയുടെ നന്ദിയോടെ അവസാനിച്ച പ്രോഗ്രാമിന് നേതൃത്വം വഹിച്ചത് ന്യൂ ക്ലബ് ഓപ്പറേഷന്‍ ഡയറക്ടറായ നയീമ മാസ്റ്ററായിരുന്നു.