കോട്ടയം: പൊന്‍കുന്നം തോണിപ്പാറ റോഡിന് സമീപം താമസിക്കുന്ന ദമ്പതികളെ മരിച്ച നിലയില്‍ കണ്ടെത്തിയത്. സാജന്‍ (33), ഭാര്യ അനുഷ (30) എന്നിവരാണ് മരണപ്പെട്ടത്.

താമസിച്ചിരുന്ന വീടിന്റെ രണ്ടാം നിലയിലുള്ള കിടപ്പുമുറിയില്‍ രക്തം വാര്‍ന്ന നിലയിലാണ് ഇരുവരെയും കണ്ടെത്തിയത്. ഞായറാഴ്ച രാത്രിയില്‍ വീട്ടില്‍ നിന്നും വഴക്ക് കേട്ടിരുന്നതായും രാവിലെ ഫോണില്‍ വിളിച്ചിട്ട് ലഭിച്ചില്ലെന്നും അയല്‍വാസികള്‍ പറയുന്നു. ദമ്പതികളുടെ ഏകദേശം മൂന്ന് വയസ്സ് പ്രായമുള്ള മകന്‍ സംഭവസമയത്ത് വീട്ടിലുണ്ടായിരുന്നു. കുട്ടി കരയുന്നത് കേട്ട് വീട്ടുടമസ്ഥര്‍ ഫോണില്‍ ബന്ധപ്പെടാന്‍ ശ്രമിച്ചപ്പോഴാണ് മരണം പുറംലോകമറിഞ്ഞത്. കുട്ടി ഇപ്പോള്‍ സുരക്ഷിതനാണ്.

ദമ്പതികള്‍ക്ക് കടുത്ത സാമ്പത്തിക ബാധ്യതകള്‍ ഉണ്ടായിരുന്നതായി ബന്ധുക്കള്‍ സൂചിപ്പിക്കുന്നു. പോലീസ് സ്ഥലത്തെത്തി ഇന്‍ക്വസ്റ്റ് നടപടികള്‍ പൂര്‍ത്തിയാക്കി അന്വേഷണം ആരംഭിച്ചു. മരണകാരണം സംബന്ധിച്ച് നിലവില്‍ വ്യക്തതയില്ല.