പെരുമ്പാവൂര്: മതസൗഹാര്ദ്ദത്തിന്റെ വേറിട്ട മാതൃകയായി നോമ്പുതുറയൊരുക്കി ക്ഷേത്രം പ്രസിഡന്റ്. വല്ലം-ചുണ്ടി മസ്ജിദുല് ഫാറൂഖിയ ഹാളില് ചേലാമറ്റം കോട്ടയില് ശ്രീധര്മ്മശാസ്ത ക്ഷേത്രം പ്രസിഡന്റ് ഗോപി വെള്ളിമറ്റമാണ് നോമ്പുതുറ സംഘടിപ്പിച്ചത്. വര്ഗീയതയെ തള്ളിക്കളയുന്ന സന്ദേശമാണ് ഇതുകൊണ്ട് ലക്ഷ്യമിടുന്നതെന്ന് അദ്ദേഹം പറഞ്ഞു.
ഇഫ്താറില് 600-ഓളം പേര്ക്ക് ഭക്ഷണം വിളമ്പി. നാല് വര്ഷമായി ഗോപി വെള്ളിമറ്റത്തിന്റെ നേതൃത്വത്തിലുള്ള കോട്ടയില് ശ്രീധര്മ്മശാസ്ത ക്ഷേത്രം ഭരണസമിതി മകരവിളക്ക് ഉത്സവത്തോടനുബന്ധിച്ച് ഇതര മതസ്ഥരെ പങ്കെടുപ്പിക്കുകയും അവര്ക്കായി വിഭവസമൃദ്ധമായ സദ്യയൊരുക്കുകയും ചെയ്യുന്നുണ്ട്.
ചേലാമറ്റം എസ്.എന്.ഡി.പി ശാഖാ പ്രസിഡന്റ് കൂടിയായ ഗോപി വെള്ളിമറ്റം ഫ്രണ്ട്സ് പോളി പ്ലാസ്റ്റിക് മാനേജിങ് ഡയറക്ടറുമാണ്. ചടങ്ങില് ഖത്തീബ് ജിഷാം അഹ്സനി റമദാന് സന്ദേശം നല്കി. ജമാഅത്ത് കമ്മിറ്റി പ്രസിഡന്റ് കെ.എം. മൊയ്തീന് അധ്യക്ഷത വഹിച്ചു. എസ്.എന്.ഡി.പി ശാഖാ സെക്രട്ടറി എം.ആര്. ജയന്, ഫ്രണ്ട്സ് പോളി പ്ലാസ്റ്റിക് മാനേജിങ് പാര്ട്ണര് ടി.ആര്. രഞ്ജിത്, ജമാഅത്ത് സെക്രട്ടറി പി.ബി. മുഹമ്മദാലി എന്നിവര് സംസാരിച്ചു.
.jpg)
Related News
