ഹൈഫ: പശ്ചിമേഷ്യയില് യുദ്ധസമാനമായ സാഹചര്യം നിലനില്ക്കെ, ഇസ്രായേലിലെ ജനവാസ മേഖല ലക്ഷ്യമാക്കി ഇറാന്റെ മിസൈല് ആക്രമണം. വടക്കന് ഇസ്രായേല് നഗരമായ ഹൈഫയിലെ ഏഴുനില കെട്ടിടത്തില് മിസൈല് പതിച്ച് ഒരു കുട്ടി അടക്കം 9 പേര്ക്ക് പരിക്കേറ്റു. കെട്ടിടത്തിന്റെ അവശിഷ്ടങ്ങള്ക്കിടയില് കുടുങ്ങിയ നാലുപേര്ക്കായി രക്ഷാപ്രവര്ത്തകര് തിരച്ചില് തുടരുകയാണ്. ഇവരുടെ ജീവനെക്കുറിച്ച് ആശങ്ക വര്ധിച്ചിട്ടുണ്ട്. പ്രായമായ ദമ്പതികള്, അവരുടെ 40 വയസ്സുള്ള മകന്, അവരെ പരിചരിക്കുന്ന സഹായി എന്നിവരെയാണ് കാണാതായതെന്ന് തിരിച്ചറിഞ്ഞിട്ടുണ്ട്. ഞായറാഴ്ച വൈകുന്നേരത്തോടെയാണ് ഇറാനില് നിന്നുള്ള മിസൈലുകള് ഇസ്രായേല് ലക്ഷ്യമാക്കി എത്തിയത്.
യുഎഇയിലെ ഖോര്ഫക്കാന് തുറമുഖത്ത് മിസൈല് പ്രതിരോധ സംവിധാനം ശത്രുതല ലക്ഷ്യങ്ങള് തകര്ക്കുന്നതിനിടെയുണ്ടായ അവശിഷ്ടങ്ങള് വീണ് വന് തീപിടുത്തമുണ്ടായി. ഞായറാഴ്ച രാത്രിയുണ്ടായ സംഭവത്തില് ഒരു നേപ്പാള് സ്വദേശിക്ക് ഗുരുതരമായി പരിക്കേറ്റു. മൂന്ന് പാകിസ്ഥാന് സ്വദേശികള്ക്കും പരിക്കേറ്റിട്ടുണ്ട്. അധികൃതര് ഉടന് തന്നെ സ്ഥലത്തെത്തി തീയണയ്ക്കുകയും സ്ഥിതിഗതികള് നിയന്ത്രണവിധേയമാക്കുകയും ചെയ്തു.
Related News
