റിയാദ്/ജിദ്ദ: സൗദി അറേബ്യയിലെ റിയാദിലും ജിദ്ദയിലുമായി രണ്ട് മലയാളികള് മരിച്ചു. മലപ്പുറം പെരിന്തല്മണ്ണ സ്വദേശി റിയാദിലും, പാലക്കാട് സ്വദേശി ജിദ്ദയിലുമാണ് മരിച്ചത്.
പെരിന്തല്മണ്ണ തൂത ചുണ്ടംപറ്റ സ്വദേശി സൈതലവി (52) ആണ് റിയാദില് മരിച്ചത്. താമസസ്ഥലത്തിന് സമീപം നിര്ത്തിയിട്ടിരുന്ന സ്വന്തം വാഹനത്തിനുള്ളിലാണ് ഇദ്ദേഹത്തെ മരിച്ച നിലയില് കണ്ടെത്തിയത്. റിയാദില് ഡ്രൈവറായി ജോലി ചെയ്തുവരികയായിരുന്നു. പരിസരവാസിയാണ് വിവരം സുഹൃത്തുക്കളെ അറിയിച്ചത്.
റിയാദ് കെ.എം.സി.സി മുറൂജ് ഏരിയ സെക്രട്ടറിയായിരുന്ന സൈതലവി, കെ.എം.സി.സി വെല്ഫെയര് വിങ്ങ് വളന്റിയര് ഷബീര് കളത്തിലിന്റെ ഭാര്യാപിതാവാണ്. പിതാവ്: അലി, മാതാവ്: സൈനബ, ഭാര്യ: സജ്ന. മക്കള്: ഷഹന ഷെറിന്, ഷഹനാദ്, ഷിബിയാസ്. മരുമകന്: ഷബീര് കളത്തില്. മൃതദേഹം നാട്ടിലെത്തിക്കുന്നതിനുള്ള നടപടികളുമായി റിയാദ് മലപ്പുറം ജില്ലാ കെ.എം.സി.സി വെല്ഫെയര് വിങ്ങ് രംഗത്തുണ്ട്.
പാലക്കാട് കൊപ്പം മുളയങ്കാവ് സ്വദേശി പള്ളത്ത് മുഹമ്മദ് റഫീഖ് (48) ആണ് ജിദ്ദയില് മരിച്ചത്. ഹൃദയാഘാതത്തെ തുടര്ന്ന് അല് ജിദ്ഹാനി ഹോസ്പിറ്റലില് വെച്ചായിരുന്നു അന്ത്യം. അല് സാമറിലായിരുന്നു ഇദ്ദേഹം താമസിച്ചിരുന്നത്.
മരണപ്പെട്ട അബ്ദുല് കരീം മുസ്ലിയാരുടെയും ഫാത്തിമയുടെയും മകനാണ്. ഭാര്യ: സാബിറ. മക്കള്: റഹ് ല, സഹ് ല, റബീഹ് റഫീഹ്. മരുമകന്: മുഹമ്മദ് ഷനൂബ് (ചുണ്ടമ്പറ്റ). ജിദ്ദ കെ.എം.സി.സി വെല്ഫയര് വിങ്ങ് പ്രവര്ത്തകര് നിയമനടപടികള്ക്ക് സഹായവുമായി കൂടെയുണ്ട്.
ഫോട്ടോ: സൈതലവി, മുഹമ്മദ് റഫീഖ്.
.jpg)
Related News
