ലോസ് ആഞ്ചലസ്-ആഗോള ടെക് ഭീമന്മാരായ ആപ്പിളിന്റെ പുതിയ സിഇഒ ആയി ജോണ് ടെര്നസിനെ നിയമിച്ചു. കഴിഞ്ഞ 15 വര്ഷമായി കമ്പനിയെ നയിച്ചിരുന്ന ടിം കുക്ക് സ്ഥാനമൊഴിയുന്നതിനെത്തുടര്ന്നാണ് ഈ മാറ്റം. സെപ്റ്റംബര് ഒന്നിന് ടെര്നസ് ഔദ്യോഗികമായി ചുമതലയേല്ക്കും. സ്ഥാനമൊഴിയുന്ന ടിം കുക്ക് കമ്പനിയുടെ എക്സിക്യൂട്ടീവ് ചെയര്മാനായി തുടരുമെന്ന് ആപ്പിള് അറിയിച്ചു.
2011-ല് സ്റ്റീവ് ജോബ്സില് നിന്നാണ് ടിം കുക്ക് ആപ്പിളിന്റെ നേതൃത്വം ഏറ്റെടുത്തത്. കുക്കിന്റെ കാലയളവില് ആപ്പിള് ലോകത്തിലെ ഏറ്റവും മൂല്യമുള്ള കമ്പനികളിലൊന്നായി വളര്ന്നിരുന്നു. നിലവില് ആപ്പിളിന്റെ ഹാര്ഡ്വെയര് എന്ജിനീയറിങ് വിഭാഗം സീനിയര് വൈസ് പ്രസിഡന്റാണ് ജോണ് ടെര്നസ്. 2001-ല് ആപ്പിളില് ചേര്ന്ന അദ്ദേഹം ഐഫോണ്, ഐപാഡ്, മാക് കമ്പ്യൂട്ടറുകള് തുടങ്ങിയ പ്രധാന ഉല്പ്പന്നങ്ങളുടെ രൂപകല്പ്പനയിലും വികസനത്തിലും നിര്ണ്ണായക പങ്ക് വഹിച്ചിട്ടുണ്ട്. ഭാവിയിലെ നേതൃസ്ഥാനത്തേക്ക് വര്ഷങ്ങളായി ആപ്പിള് തയ്യാറെടുപ്പുകള് നടത്തിവന്നിരുന്ന വ്യക്തിയാണ് 50-കാരനായ ടെര്നസ്. നിര്മ്മിത ബുദ്ധി ഉള്പ്പെടെയുള്ള പുത്തന് സാങ്കേതികവിദ്യകളിലേക്ക് കമ്പനി ചുവടുമാറുന്ന നിര്ണ്ണായക ഘട്ടത്തിലാണ് ഈ നേതൃമാറ്റം എന്നതും ശ്രദ്ധേയമാണ്.
Related News
